[سلطان العايضي]

ألا يا زمنا ما عبدنا (هبل واللات) = ولا نشرك بربي ولا فاز مشركته
ولا نعبد اوجيه البشر في رجا المدات = على الرغم من راس لياليه عاركته
نعز النفوس ونرفض مصافح الهانات = ولو الدهر قدامنا ينصب اشركته
وللي دعانا واجب نلبّي الدعوات = ومن لادعانا خطوة الرجل تاركته
رفيق بوجهي يظهر البشر والضحكات = وهو من وراي يشن هجمات معركته
أجمّد علاقاتي معه وأقطع الموجات = وفي باقي المشوار ما أقبل مشاركته
ما أحب التظاهر بالصداقة وهدر أوقات = مع اللي نهار الضيق ما بانت ابركته
يا كثر اصدقانا اللي على خيرنا تقتات = ما دام البحر هادي ولا شانت احركته
ولولا ظروف الوقت ومواجهة الأزمات = ما كان اتضح زيف المنافق وفبركته
عطوني رفيقٍ في القسا صامل الوقفات = وأبعطيكم العشرات من عكس (ماركته)

فراج بن فهد الدوسري

الموضوع الأصلي: نعز النفوس | | الكاتب: سلطان العايضي | | المصدر: شبكة بني عبس

[سعد البويدي]

أخوي سلطان العايضي

صح لسان الشاعرفراج بن فهد الدوسري

ولاهنت على النقل المميز

ولك تحياتي

[سعد بن عادي]

نقل مميز يا سلطان لاهنت