[سموالمعالي]

ياراكبن من يطوي البعد ممشاه
الجيب شاص وطالعن من وكاله
اليا عطاك الوجه ولا مقفاه
ذيبً على قطع الفيافي لحاله
اليا بدا لازمك والبعد ناداه
اسبق من القرناس مطعم عياله
نصه على الي كاملن لاعدمناه
طيبه وراثه مابدعها خياله
مبارك الافي به الطيب شفناه
انشهد انه شاف حملي وشاله
ابوه في حفر السواحل سمعناه
فتح طريق مغلقاتن قفاله
معرب الجدين ساسه ومجناه
اهل الفخر والطيب واهل الشكاله
ذوي حمود ويرفع الراس طرياه
غنام عدا بالنوايف طواله
من فوق صفرن تنثر الدم شلفاه
والراس من راعيه والله شاله
هو راعي المرشوشه الي محلاه
غنام والله يشهدله افعاله
وابن سعيده عز من جاه ينخاه
حمى دخيل البيت والعز فاله
وابن ضعيه صبح القوم برماه
وذبح عقيد القوم واشتاح ماله
عن الردا مكفول والله ماجاه
افروع ابو متعب وهذي رجاله
انا اشهد انه نادرً مانتناساه
ماكر نداوين يضلل ضلاله
ولقيت بالماكر طيورن مزهاه
الكل منهو وافياتن خصاله
جلادان والله بالشجاعه مسماه
والعن كلامن مايثبت مقاله
وصلات ربي عد مزنن نثر ماه
واعداد ماخيل علينا خياله

الشاعر//صويان صالح الشويلعي الرشيدي

الموضوع الأصلي: قصيده اهداء الى مدير مستشفى محافظة الحايط مبارك لافي القلادي الرشيدي | | الكاتب: سموالمعالي | | المصدر: شبكة بني عبس

[صعصعة]

صح لسانك
تحياتي لك

[نواف بن مفضي]

قصيده لاتمت اللسناد في صله ولا اللممدوح حسب تقاطع الكلامات