[عاشق الطير]

السلام عليكـم ورحمة الله وبركاته ،،

حياكم الله ، وابرك السـاعات اللي تطلون فيها على ما اكتب هنــا ،،

،،،،،

المشـاعر من شعــورك والقلم بيـن اصبعيـك
سرّهـا لجل العيـون الدعج واكتب وش وراك

يمكن انك في مجالك لك قلوب تحتريـك
ويمكـن انه ما فطن لك لا هذاك ولا هذاك !!!

بس تكفـى والخطاب موجهه منك واليــك
لا تعقـد في نظامـك .. لا تبعّــد في مـداك

لو تعقـدها على العـربان محـدن لــد فيـــك
وانت تـوك في شبـابك .. طول الله في بقاك

مرحبـا ياللي تسوق العطـر لجلـي في يديك
اعتنقـنـي ريح وردك قبـل لا اصافح يـداك

يا حبيبـي سالمٍ والشــر جعلـه ما يجيـــك
ياعسى نجـم السعـادة ما يغيّـب عن سمـاك

لا تظـن ان الغيــاب اغيــاب حب ولا عليك
الوفا فينـي طبيعـة .. والردى ما هو جـزاك

انت يا قلب الهـواوي في الهـوى مالك شريك
في الغـلا والحب والله ما دخل قلبي ســواك

غيـر حب الوالدين الله يرحـم والديــك
والدي اغلـى من الغـالين واغلى من غلاك

اكتب الاشعـار لجـلك والمعـاني تشتهيــك
ارسـله يمــك هـديه واحفظـه ذكرى معـاك

القوافي تبتسـم لك كل ما هـوجسـت فيـــك
وتنـدفع من كل قلبـي همهــا تدرك رضـــاك

كل ما اذكــر رمش عينــك يوم ترفع حاجبيك
ملتبســك الشوق واله .. حزت الغــالي لفــــاك

نظرتك نظـرة وفـا .. والحب كله محتــويك
والشعـور اللي دخلنـي والسبب بسمــة شفـاك

اسعـد اللحظـات والله لحظـة اني التقيــــك
شوفك أيـداوي جروحـي دام شوفي هو دواك

ولو يطول البعـد .. قلبـي في هواك ومهتـويك
الغـلا مرهون لك .. والقلب يبطــي ما نســاك

وسلامتكـــم

الموضوع الأصلي: القوافي تبتســم لك | | الكاتب: عاشق الطير | | المصدر: شبكة بني عبس

[رمح عبس]

بيض الله وجهك علي هالقصيده الجزله


لاهنت

[راسبه بالحب]

سلمت يمينك

صح السانك

لاهنت

[عاشق الطير]

رمح عبس

راسبه بالحب

راس ابو مشعاب

صحت ابدانكم ومشكورين ع مروركم المشرف

لا هنتـــم