[وضاح اليمن]

بسم الله وعلى بركة الله اخواني الاعضاء انا متعجب من عضو يقال له الداب الارقط معنا بالموقع مايقارب ثلاث سنين والحقيقه انه متواجد على طول ولكن المشكله لايهش ولا ينش مستحيل انه كتب مقال او شعر او محاوره الرجال تقع عليه ثلاث امور
1- اما ان الرجل اعماء ويكتب له
2- او انه اطرش مايسمع
واذا كان احدي هذه الامور فيه نطلب له الشفاء ومسامح
الامر الثالث اذا كان مسول كبير بالموقع ويحب المتابعه فقط هم مسموح له
اما اذا كان سليم وليس مسول كبير نرجو منه مشاركة زملاه ولو بكلمه طيبه اما كذا مايصير والله عطاك ثلاث ايام المهربات المقربات بسلوم عبس اما تنطق باذن الله ولا نشن علاك حرب لايعلم نهايتها الا الله وش تقولون يالربع عسا اخو مزنه ماخطا بشي

الداب الارقط حاضرن تقل غايب=اصبح وجوده مستون مع غيابه
لامودين علمن ولاهو بجايب=مكبوبشن مايفيد حضرت جنابه
قال الامر هين ولا من طلايب= ادخل ولاهرج حيث مابه رقابه
هو مادراء بالزيدي ابو النشايب= اليوم يدري كانهو مادرابه

الموضوع الأصلي: الداب الارقط الداب الارقط الداب الارقط | | الكاتب: وضاح اليمن | | المصدر: شبكة بني عبس

[وضاح اليمن]

هذا العلم وانا اخو مزنه كل شي متابع لاتقولون الشبكه سايبه ان اقسم الله ماتسيب وانا حي حيث اني مانسا فضل عبس عليه واخر فضلهم كفالة خاتم الي

[عقيل الرشيدي]

هههههههه هههههههه
ﻻ الرجال يبيله شخص ويتصيده

[ناصر خنيفر]

ياوضاح انت وش تبي بالناس الي يسكت مايسلم منك واللي يهرج مايسلم منك انا اقترح عليك تشكل فريق انت الريس ومرزوق نايبك وابو عوجه مستشارك تراكم تصلحون مع بعضكم ههههههههههههههههه

[ابو صووط]

حسبي الله عليك ياوضاح اللي محد سالمن من شرك ابك انت وشتبي بالداب الارقط

خله في شيرته يمكن انه اعماء وماطاح في فمه اكله لاطيح في فمه بكره والله حتى العمده مايلحق عليك
يا الظالم

[غازي]

اقتباس من مشاركة وضاح اليمن بسم الله وعلى بركة الله اخواني الاعضاء انا متعجب من عضو يقال له الداب الارقط معنا بالموقع مايقارب ثلاث سنين والحقيقه انه متواجد على طول ولكن المشكله لايهش ولا ينش مستحيل انه كتب مقال او شعر او محاوره الرجال تقع عليه ثلاث امور 1- اما ان الرجل اعماء ويكتب له 2- او انه اطرش مايسمع واذا كان احدي هذه الامور فيه نطلب له الشفاء ومسامح الامر الثالث اذا كان مسول كبير بالموقع ويحب المتابعه فقط هم مسموح له اما اذا كان سليم وليس مسول كبير نرجو منه مشاركة زملاه ولو بكلمه طيبه اما كذا مايصير والله عطاك ثلاث ايام المهربات المقربات بسلوم عبس اما تنطق باذن الله ولا نشن علاك حرب لايعلم نهايتها الا الله وش تقولون يالربع عسا اخو مزنه ماخطا بشي الداب الارقط حاضرن تقل غايب=اصبح وجوده مستون مع غيابه لامودين علمن ولاهو بجايب=مكبوبشن مايفيد حضرت جنابه قال الامر هين ولا من طلايب= ادخل ولاهرج حيث مابه رقابه هو مادراء بالزيدي ابو النشايب= اليوم يدري كانهو مادرابه

جبت عنه علم
الداب مقطوع ٍ ذنبه بالشبكه ولاقدر يطلع
وهذي مجاراتي
من عاش بالدنيا يشوف الغرايب...صحيح هالدنيا عليها غرابه
ياقل ما تلقاء مع الناس شايب...واليا لقيته ما لقيت المهابه

[رشيديه يا الخبل]

وش تبي بالناس انت...
الي يتكلم يتكلم والي يسكت يسكت

لا تتصيد خلق الله يدعون عليك وتكون عند الله مستجابه
انتبه

[رويشد]

حتى خشايش الارض ما سلمت من الزيدي هههههههههههه