[وضاح اليمن]

اخواني البعض يعلم والبعض الاخر لايعلم عمدتنا ابو تركي اجرى عمليه في بريطانيا قبل شهر وان شالله كللة بالنجاح وهو الان في بريطانيا ويكمل مراجعاته ويعود لنا عن قريب انا قمت في زيارته انا والبرمكي وبعض الاصدقا وابشركم انه بخير وبلغني السلام عليكم جميعا

يالله يامنادي كليمه من الطور= ياباعثن يوم القيامه قبوره
ياناصرن موسى وفرعون مثبور= ياجاعله عبره وخاثل غروره
انك تشافي كل من كان مضرور= وترفع عن العمده بقايا الضروره
عسا الغياب اياممايصبح شهور= وعلى الفرح في وسط بيته نزوره



طهور طهور ان شاالله يابو تركي تعود بالسلامه عسام ماتشوف شر ياعمدتنا
اسمحلي يابو يمن تراي غيرت الطاروق

يالله يالله تحفـض راعـي الـصـورهالي وضعهـا اليمانـي طيـب الخـوه

عـوداً الياغـاب محـداً يحتمـي دورهالا المعزب اليامنه صفا جوه ههههه

الله يعـافـيـه ويـــرده الجـمـهـورهويمد عمره على الصحه على القوه

الموضوع الأصلي: لمن سال عن العمده | | الكاتب: وضاح اليمن | | المصدر: شبكة بني عبس

[رويشد]

الله يجعله مايرى بأس وطهور أن شاء الله
والله يبشرك بالخير يااخو مزنه وامانه توصل سلامي لابو تركي
وأنا والله أني أتشره على من رافق العمده طوال هذه السنين ولم يسأل عنه
لكن صحيح أنك أنت الصديق الوافي يا اخو مزنه

جـاب الخبـر وضـاح والبـال مـسـروروأعلـن لكـل النـاس صـوت ٍ وصـوره

بـشـرتـنـا والله يــجـــزاك بـالــحــورتقـول ابــو تـركـي تـعـدى الخـطـوره

طهـور يالعمـده مـن الـذنـب والــزوروأنـت الـذي نمـشـي بـرايـه وشــوره

يكفيك ربـي مـن هـل العمـي والعـوروتبقى بصحه ما تحس الحروره ههههه

[البرمكي]

بعد عيني اسمحولي اشارك ولو بيتين العمده يستاهل

نقول ياوضاح مشكور مشكور= ياصاحب اللي طايلاتن شبوره
علمت ناسن عنهم العلم مقبور= ونحت بيتك من مناجم صخوره
اما ابو تركي زرته البال مسرور= بانت على وجه معالم سروره
وجه لصدقانه يشعشع كما النور= ويردد مزوحه بجمعا حضوره

[عساف الرشيدي]

أمين ياوضاح وانقول مشكور=ولعل عمدتنا قريب ن حضوره
يلبس ثياب العافيه دوم مسرور=مثل الحياه اللي علي اول عصوره
رجل ن ظهر صيته وبالخير مذكور=ماهو كما من ساوا غيابه ظهوره
وألكم تحيه عد من طاف وايزور=بيت الحرم وقت الحجيج ونشوره

[مفلح المهيمزي]

مشكور ياوضاح بالحيل مشكور=جبت الخبر والصبح مابان نوره
عن عمدة الشعار والراي والشور=جعله بخير وعز راع المشوره
يوم اليماني مبتدي باول الدور= والعمده ايعلمه فن الخطوره
والبرمكي قبله مهمش ومغمور=قدام ابو تركي يمرر عبوره
واليوم يبغى منّكم شي ميسور=اقلها واحد يسوي فطوره ههههههههه

مايشوف شر ابو تركي والله يرده سالما معافا

[حمد البارقي]

الحمدلله على سلامته ومايشوف شر ويرجع بالسلامه ان شاء الله

[وضاح اليمن]

شكرا رويشد شكرا البرمكي شكرا عساف شكرا مفلح شكرا احمد وسلامكم وصل لبو تركي عبر انت البارح

[الاجهر]

ماجور وخطاك السؤ يابو تركي ماتشوف شر
والحمد لله على السلامه