[هدير الموج]

ياهمومي كرمي لا دلبح الليل وتوارى
لا توارى في كنف شمس الصباح المستديره
من بداية ليلة البارح انا وانتي سهارى
كل ما اقفيتي تحسفتي وعودتي مغيره
انتصارع ونتفارع ونتفاخت ونتبارى
ونتفق كل يروح في درب ويحدد مصيره
من تصاريف الزمان المنفلت كن حن سكارى
واتباع النفس خلا النفس مهمومه واسيره
الحياه بلا طعم والحزن بعيون الحيارى
والليالي ضيمها مايجبر النفس الكسيره
ياهوآة الفن وأهل الفن رفقًا بالعذارى
استبحتوا عفة الحره ياعميان البصيره
بالهوى اغريتوا وضيعتوا عفيفاتٍ فقارى
لين سويتوا من اعراض العرب حاجه خطيره
جيلنا التالي مع باسكال واليسا ويارا
وجيلنا الاول يقول اواه ياغمزة سميره
كبش فديٍ لليهود وكبش فديٍ للنصارى
ماعتق غير بدوي للحيا يشعب بعيره
المشاتل ماتعوض البدو في نبت الشقارى
الشقارى مارفع سوقه سوى نفحة عبيره
للحيا معيار بوجيه البشر سر وجهارى
وظاهر الانسان ينتج عن نوايا في ضميره

الموضوع الأصلي: ياهوآة الفن وأهل الفن رفقًا بالعذارى=استبحتوا عفة الحره ياعميان البصيره | | الكاتب: هدير الموج | | المصدر: شبكة بني عبس

[ابوتوتو]

صح لسانك
وتستاهل ختم التميز
يامميز

[سعد محمد]

صح لسان شاعرهاا

قصيده جزله وتحمل من المعاني والصور العذبه

لآ هنت على طرحهاا ..

[هدير الموج]

اقتباس من مشاركة ابوتوتو صح لسانك وتستاهل ختم التميز يامميز

هذي قصيدة ليست من نزفي بل منقوله وما حطيتها هنا الا عشان يدرون منقوله
وشكراً لك على مرورك والختم
تحياتي لك

[هدير الموج]

اقتباس من مشاركة سعد محمد صح لسان شاعرهاا قصيده جزله وتحمل من المعاني والصور العذبه لآ هنت على طرحهاا ..

اشكرك على المرور العذب تحيتي لك

[مرتاحه دومز]

لآهنت ع الطرح

[هدير الموج]

اقتباس من مشاركة مـــرتـــاحه دووومـــز لآهنت ع الطرح

ولا هان مرورك شكرا لمرورك العطر
تحياتي لك

[راسبه بالحب]

يعطيك الف عافيه

انتقاء مميز

لاهنت