[ابو بيان]

ملفي المورقي // حبيب العازمي

ملفي المورقي





الك يالعازمـي مـده تحـوش الغنايـم


مار جوها الرجال الطامعيـن وخذوهـا


هم خذوها الضحى من يدك وألا أنت نايم


يا عساها تجيهم بالبـلاء ويـن جوهـا






حبيب العازمي





أفطر العازمي هاك السنه وأنت صايم


طمعتـك كلبوهـا روحـت كلبوهـا


أنت غلطان يا ملفي لكـن الظلايـم


لا تهد البيوت اللي جنـودك بنوهـا








ملفي المورقي





وين راحتك علومك يا قوي العزايـم


ربعك اللي تسمع هرجتك ما لقوهـا


جبت وحده من الثنتين وألا أنت دايم


السواليف في روس العرب ما نسوها









حبيب العازمي





دامت الروس حيه ما تطيح العمايم


باروا القوم فيه والعهود نقضوهـا


لو عطيت العرب كبدي لابد الشتايم


جيت ابا ابرد اللقمه وربعي كلوها










ملفي المورقي





لو أبا أسمع هروج مروجين النمايم


قلت يا أهل الحبال حبالكم قطعوهـا


إحمد الله ما دام إنك لقيت الولايـم


والتعب يا حبيب لأم سلمى وأبوها










حبيب العازمي





لا تذم الرجـال ولا تعـز البهايـم


نعنبوها حيـاة المهزلـه نعنبوهـا


يصبح حوار نافر يمسي حوار رايم


طابت النفس منها درروا وارضعوها











ملفي المورقي





ما نجاهد مع اللي يفعلون الجرايم


يوم بعض الاوادم يا حبيب رضوها


رد سمحه علينا لا تذب الخرايـم


لا تزعلك يوم ديوسها صرروهـا











حبيب العازمي





أنت ترمي شبك لكـل خفـاق حايـم


ثم قلت الصقور إن ماعرفوها شووها


جعلها ما تثني لو عليهـا الوسايـم


وأنتم اللي تبون ديوسها واحلبوهـا

الموضوع الأصلي: ملفي المورقي وحبيب العازمي | | الكاتب: ابو بيان | | المصدر: شبكة بني عبس