[عبدالباري عبدالعزيز]

أيها الاحبة هذه القصيدة موجهة للعمدة ناصر خنيفر وعميد الشعراء،لعلها تحوز على استحسانكم

معاذير، مالي في كثير المعاذير= أنا أشرَه واشرّه، والحيا من صفاتي
أجاري هل المعروف حشمة وتقدير= ولا اقبل مخاوى أهل الردى، من حياتي
ولاوالله اجلس عند من ينفخ الكير= جليسي يحْملْ المسك والطيب ذاتي
وأنا ادري مايجري للبنادم مقادير= ومافيه داعي للسخط والشماتي
عسى خير يالاصحاب ، يا الله عسى خير= أوصّي ولا واحد تظرفي وصاتي
وطال انتظاري والليالي مدابير= عسى الله يخارجنا من المقبلاتي
أناظر ضعون البدو، ورد ومصادير= وقفت آتحرّا ، رأس مالي عصاتي
أدوّج ليالي بين وضح ومغاتير= يمرّن من عندي بدون التفاتي
أسولف على نفسي ، يجي سالم الزير= أو يمر من عندي اطراد الزناتي
أو يقدّر الله جية الفارس اعمير = ويسقي ضمايا القرّح الصافناتي
وأثر ذاك غير وذاك عند العرب غير= علينا من اللي نعرفه ياغناتي
تحيّزعلى العاده والاعراف تمرير= تزول الجبال ولاتزول العاداتي
وشيءٍ يصير وشيء بالعقل مايصير= خطايا تقابلها العرب بالسكاتي
سوالف على الطّايرْ، معك، صبح وعصير= وما فات مات، ونتركه يوم فاتي
يجيك الخبر وتشوف خليج ومعاشير= تطمّن وسوفَ تسر بالك سواتي
ويخْسَرْ عميلك صرف حمر الدنانير= تشوفه يجي ويروح ماله مباتي
أماني صغيره، تقنع اخبيْل وصغير=مثل ما يمنّ الغرب شعب الفراتي
يقص الرشاء ويطيح في جمة البير= ولاتارد وتشرب عليه الغزاتي
مثل ما يقال، ملاوح الطير للطير= إخِذْ ماتيسر من يدين الحفاتي
كذا منطق المعنى ، مايحتاج تفسير= جمالة حكي يا مدخلين الجناتي
متى ناصر خنيفر كبير الشواعير= وعميد الشعر يقرون عن ذكرياتي
أظن الهوا ياهل الوجيه المسافير= تذعذع براد وتهبط الطائراتي
مابيكم معي تمشون كل المشاوير = عطوني خبر ياأقٌوم، ياأجْدعْ قناتي
مبا علوم يا صْحابي سوافي معاصير= أبيها سنام الشمّخ النايفاتي
أبيها تجي وتروح معها المعابير= تطمّن وسوفا مالغتها لغاتي
أنا فارس أليا قمت أهز الطوابير=ماني مثل شخص ايعود من حيث يأتي
أسِجْ الركايب بالنشاما المناعير= واسَرْ السباع أمْن الحما جايعاتي
ومدام الأمور أيسير بحمولها السير= أفك الرسن وأسرجلها المكرماتي
وأنا حاضرآفي كان الاسباب تقصير= مازكّي على الله نفس محْيا ومماتي
تضيق الفجوج الواسعه بالمداوير=ولايضيق صدري من مطاوح عباتي
أوَ فّ الرجال أحقوقهم دون تأخير= ولله محياي اوْ لِوَجْهَهْ صلاتي

الموضوع الأصلي: ناصر خنيفر كبير الشواعير والجحش وعبد الباري والطائرات | | الكاتب: عبدالباري عبدالعزيز | | المصدر: شبكة بني عبس

[أبونواف]

صح السان شاعرها

ومشكور على نقل

[ناصر خنيفر]

صح السانك وعتلا شانك وبيض الله وجهك وانا حاظر فيما تريد بس ارسلي رساله ووضح بعض الامور

[النجم]

صح اللسانك ونشهد انها قصيده قويه ووراها اسباب والعمده راعي حق ويعطي الحقوق لهلها

[ابوباسم الذيابي]

صح السانك وعتلا شانك اخوي عبدالباري بن عبدالعزيز وبيض الله وجهك على القصيدة

تحياتي لك

[سعد الفلاح]

صح أللسانك أخوي عبدالباري على الطلاسم التي يعجز الوصف عنها قصيده في قمة الأبداع ولاهنت يلغالي

[مسندالعويمري]

صح السانك عبدالباري على الطلاسم والعمده راعي حق ويعطي الحقوق لهلها

[عيسى المويسه]

صح السانك وعتلا شانك

اخوي عبدالباري بن عبدالعزيز


وبيض الله وجهك على القصيدة