[فضي البراك]

شب السمر .! خل عيني ينتثر ماها .!=مبطي وعيني بدمع الشوق ممليّة .!
وش الأماني .! لو إنّا ما إنتمناها ؟=ماكان يبقى لها .! قيمة حقيقيّه .!
الجادل اللي تعبت .! آدوّر إرضاها=ساقت جيوش الجفا .! خيل ٍ ورجليّه .!
أحبّها حـّب .! لكن كثرة أخطاها=ما تترك .! لكثر ما أغليها .! أهميّه
اثر جروح المحبّه .! يصعب إدواها=( جرح الحبايب عطيب وكيّته كيّه ) .!
التضحيّة .! أنبل الأفعال .! وأرقاها=ولا ينقض التضحيه .! إلا ( الانانيّه ) .!
وأنا بأضحّي .! بأحاسيسي .! وأبنساها=وانا حقيقي.! واحاسيسي حقيقيّه .!
إهب يا هالزمان .! لـ وين ودّاها=يسوقها للجنوب .! وهي شماليّه .!
قولولها .! قبل لا تسرف بفرقاها=تدفع على موت ( أحاسيس الغلا ) ديّه .!

جازت لي

الموضوع الأصلي: شب السمر .! خل عيني ينتثر ماها | | الكاتب: فضي البراك | | المصدر: شبكة بني عبس

[سعود ذيران]

ابداع منقطع النظير صح السانك

[سعد محمد]

سجل آعجابي بذووقك العذب

صح الله لسىان شاعرها

ولاهنت

[بندرأبن طريف المظيبري]

وش الأمـانــي .! لـــو إنّــــا مــــا إنتـمـنـاهـا ؟

مــاكــان يـبـقــى لــهــا .! قـيـمــة حـقـيـقـيّـه .!

الــجـــادل الــلـــي تـعــبــت .! آدوّر إرضـــاهـــا

ساقت جيوش الجفـا .! خيـل ٍ ورجليّـه .!

تميز وإبداع الأخ الأستاذ - فضي البراك
تسلم يمينك.
. يعطيك العافية على الشامخة

[عايض حماد بن عريجه]

صح لسان شاعرها ويعطيك العافيه علي النقل

[فضي البراك]

اقتباس من مشاركة سعود ذيران ابداع منقطع النظير صح السانك

الابداع هو مرورك لاعدمتك

[أنكسارحلم]

تسلم على ماراق لك

[بن صامل]

صح لسان شاعرها واعتلا شانه