[بارق الصيف]

السلام عليكم ورحمة الله وبركاته
يسرني الانضمام تحت سقف شبكة بني عبس
اخواني اخواتي يعلم الله اني لم آتي الا هنا
الا حباً لهذه القبيلة(بني رشيد) لأني اعلم
بأنهم اهل فزعـة ونخـوة

اخوآني الأعزاء لايخفاكم ان المصائـب منعكم الله منها عندما تقع على الانسان
فإنه يصبح في حاله يرثى لها وخاصة اذا كان غير مقدور على حملها
فالانسان ضعيف اينما حل والله هو القادر ان يجعل هذه المصيبه برداً وسلاما

ثم ان الاخوه في الله شرواكم هم من يسهلون الامور بقدره قادر

اخواني لا احب ان اطيل

جميعنا نعلم عن الاسرى السعوديون في سجون العراق
يتجرعون الويلات ونحن لاحيل لنا ولا قوه ويوجد بينهم السجين/عبدالله عزام القحطاني الذي اقتيد امس
لزنزانه الاعدام

وكما تعرفون انه يوجد بالعراق قبائل عظيمه ومشايخ يمكن لهم ان يحلون القضيه اذا علمو بها

اخوتي بني رشيد

انني ابحث عن المنشد احمد الرشيدي ونريد ان ينشد لنا قصيده موجهه لقبائل العراق والمشايخ
لعل الله ان ينفع به والبخيل كما يقال(بخيل الجاه) فنحن نطلب المنشد احمد الرشيدي جاهه في صوته بشيمه ولا بقيمه
ولحنها صعب شامي على لحن شيله اهل العراق(جسر الحديد انقطع)

من دار موطن بني يعرب نخيناكم=ياهل الحضارة ومجد العالم الفاني
ياهل العراق المبجل مانسيناكم=لكن ظروف الحواجز مالها اماني
نتعب ونبني من الامال قرباكم=وتروح الآمال فالدنيا والازماني
الله اكبر على الدنيا وحاشاكم=ياهل الوفاء والمكارم ياهل الشاني
من بعدها يآزبيد الطيب جيناكم=نتبع سنا بارقٍ هادي وعجلاني
نوره يقدي وجيه تطلب إرضاكم=بجاه ربٍ كريمٍ عالي الشاني
يازبيد حنا بني مذحج يعيناكم=وقحطان حنا عياله والعمر فاني
وزبيد جدً لنا وهذه مايخفاكم=وانتم وحنا عيال العود قحطاني
وندري وتدرون لامنا نخيناكم=يهتز نجدٍ ويهتز العراقاني
ننخا السلاطين والنخوه تغشلاكم=ننخا شيوخ العشاير وابن جرياني
ولهيب عز وفخر والعز يشعاكم=تكفون تكفون تكفا يابن زيداني
ولدليم قوم الشجاعه لابة الحاكم=ننخا بن حاتم علي حاتم سليماني
وعيال الابرز بني عمرو نصيناكم=النجرس الشيخ والهفل ابن جدعاني
ولعبيد قوم الكرم والجود وياكم=والعاصي شيخ الحويجه نسل كهلاني
ولجبور شفنا النخاوي في محياكم=وكن ابن مسلط من الشيخان حياني
تكفون تكفون يامذحج نخيناكم=عزام لاينقطع راسه والامتاني
اوجيهكم طايله والبيض تزاهكم=ويمانكم نايله وتزبن الجاني
من دار موطن بني يعرب نخيناكم=ياهل الحضارة ومجد العالم الفاني

واذا فيه يابني عبس اي احراج على توصيل قصيدة قبائل قحطان لقبائل زبيد العراقيه
فل يحذف الموضوع ولكم البيض واذا قبلتو انت توصلون قصيدتنا فلكم البيض على روس الاشهاد

الموضوع الأصلي: انتم لها يابني رشيد .. احمد الرشيدي | | الكاتب: بارق الصيف | | المصدر: شبكة بني عبس

[الرئيس]

ابشر بعزك .... ياولد قحطان .. ....
واذا همك الانشاد فقط لايهمك فاحمد الرشيدي ..؟
عند سماعه لهذا الدعوة سوف يلبي طلبك ان شاء الله ,, وفقكم الله

[بارق الصيف]

أنت العز ياولد عبس وبيض الله وجهك على هالفزه الى مهي غريبه
والمنشد احمد الرشيدي عشمنا فيه كبير

[بارق الصيف]

الى معه جوال احمد يرسله لي لاهنتو او شلون اتواصل معه

[أحمَـد الرشيدي]

هلا ومرحبا فيك
تبشر بالخير . .

[بارق الصيف]

احمد الرشيدي
الله يبشرك بالخير ياوجه الخير
والله ماطلبت احد غيرك الا اني خابرانك كفو ومن رجال كفو وانت لهذه وامثالها ياحفيد القروم

[أميرة البنات]

الله يفكك قييد اسيركم يارب

ؤدامك نخيت عبسس ابشر بعزك

ؤاحمد مايقصر

[بارق الصيف]

امين الله يسمعك منك
وعبس عند نخاويها الله لايهنكم