[عبدالهادي بن صبح]

السلام عليكم ورحمة الله

أضع بين أيديكم قصيدة تشرفت بألقائها أمام صاحب السمو الأمير/ بندر بن محمد آل سعود حفظه الله وذلك بمناسبة أقامة رجل الأعمال/ سعد حامد بن صبح العجرمي الرشيدي مأدبة غداء لسموه في مزرعة الامير بفيحاء العتش وبحضور العديد من كبار الشخصيات ورواد مجلس سمو الأمير وحضور العديد من رجال فخذ العجارمه وبني رشيد

وألقيت القصيدة ونالت على أعجاب سمو الأمير والحضور

ألا يالله ياربي بجاهك ياكريم الجاه=مايبقا غير وجهك ياعظيم الملك والشاني
فلاغيرك عبدناه ورجينا رحمته ورضاه=ولاغيرك يغفر الذنب ويجازي بالأحساني
قصيدي كان ماسطر على وجه الثنا معناه=عسى الله مايجملني ولا صح الله لساني
ولاكن مجدكم ياسيدي بالشعر ماطلناه=لو أفني في بطولاته بقايا عمري الفاني
مدام أنك ورثت العز والنوماس من مجناه=فلاغيرك سموٍ للمكارم ياكحيلاني
بنيت لسيرتك تاريخ نفخربه ولاننساه=لو أنّ الناس تصبح كلها ساده وشجعاني
ألا ياسيدي بندر ترى فعلك ماحد سواه=ولايمشي معك وقت النوايب واحدٍ ثاني
كسبت الأوله والطيب من طيبك كسب مبداه=أميرٍ للوفا يبذل حياته شوف الأعياني
يجود الجود من جوده ومن راهي عطا يمناه=يسبب هزةٍ للبنك الأهلي والبريطاني
هل الحاجات بعد الله من صدوف الدهر تنصاه=محلّه للغناه وبابها مصدر وعنواني
عسى من خلفك تسقي هماليل المطر مثواه=ويلقى في جوار الله حوريّه وبستاني
هل العوجا علينا خير ماعشنا بامنّ لولاه=بعد وحد أهلها الفيصلي حضرٍ وبدواني
وقيادتنا حكيمه بالشريعه تنهي المقضاه=وبالسيف المجرب تفصل الروس اعن الأمتاني
هذا المجد الذي بالشعر ياهل الشعر ماطلناه=لو أفني في بطولاته بقايا عمري الفاني
بقا بيتٍ يتممها وأنا قافي على معناه=مشاعر شاعرٍ تصدق وتدحر كل شيطاني
لاتنشد عن ولاانا والوطن باارواحنا نفداه=نقدمها ونرخصها فدى لتراب الأوطاني

الموضوع الأصلي: قصيدة تشرفت بألقائها أمام صاحب السمو الامير بندر بن محمد آل سعود | | الكاتب: عبدالهادي بن صبح | | المصدر: شبكة بني عبس

[صعصعة]

صح لساانك
ودئماا تبدع بأجزل القصيد

[منصور بن صبح]

صح لسانك ياعبدالهادي وبيض الله وجهك على القصيدة الأكثر من رائعه وسمو الأمير
بندر بن محمد أل سعود يستاهل والله يطول بعمره لقينا منه الترحاب وحسن الأستقبال
وبيض الله وجه سعد بن حامد أبو سلطان على الكرم الغير مستغرب منه

يعطيك العافيه يابو حامد على القصيدة وحسن الألقاء

[طلال آل صبيح]

يصح لسانك ولد العم وزادك الله توفيق

[ابن شلال]

صح لسانك يابن صبح واعتلى شانك قصيدة جزله من شاعرلاتستغرب منه الجزاله لله درك ,,, وان شاء الله نقرا لك قصائد بهالروعه شكرآ لك

[وليد البراك]

صح لساانك
ودئماا تبدع بأجزل القصيد

[عويض بن شامان بن خلف]

صح لسانك
ويستاهل الامير بندر

[عايد2001]

صح لسانك وقصيده جزله من شاعر جزل