[فيصل الرشيدي]

اعزائي الاعضاء


اليكم هذه المحاورة بين حبيب العازمي وصياف الحربي
وبدايتها..عندما شاهد الشاعر صياف عواد السحيمي الحربي الشاعر حبيب دغيم العازمي العتيبي يشارك ببرنامج البادية لأول مرة دارت بينهما هذه المحاورة

صياف :

جانا ببرنامج حياة البادية شاعر جديد=يامرحبا باللي على عز وشرف سار قدمه
يالعازمي ليلٍ رمابك في يدينا ليل عيد=لكن اظن الذيب تال الليل يفتح لك فمه

فقال حبيب:

ماجاكم الا خصمكم والله يدبر مايريد=دام البقاء والحق يقضي فيه قاض المحكمه
انا حسبت احساب وقتي من قريب ومن بعيد=وليا لقيت الذيب اسمي باسم ربي وارجمه

صياف:

حنا رجال ولا يخوفنا التهدد والوعيد=من لايعرف العلم.. بالعلم الحديث نعلمه
تراك لا ذلحين ماعلمت بالعلم الاكيد=اقلط على سبع الخلا يلزمك والا تلزمه

حبيب:

انتم رجال وكل رجال يفيد ويستفيد=محدٍ يعلم عالم يقرا ويكتب بقلمه
ماخاف من سبع الخلاء وانا معي سيف حديد=واللي يجي من تحت حد السيف الابيض يقسمه

صياف:

ياكثر ماتزرع وتحصد مار مادري وش تصيد=لاحضروا الكتاب طلع علمك اللي تزعمه
ياكبر حظك لو حضرت العيد واليوم السعيد=لكن حظك لو بنى لك بيت بكره يهدمه

حبيب:

انته تجاهلت الرسايل عقب جاتك فالبريد=وليا دخلنا المعركه من تقدره لاترحمه
ياكبر حظي وانت حظك قام ينقص مايزيد=وليا فتحت العين ابكحل نون عينك و الطمه

الموضوع الأصلي: صياف الحربي + حبيب العازمي | | الكاتب: فيصل الرشيدي | | المصدر: شبكة بني عبس

[الجـــــادل]

لاهنت اخوي سيف عنتر

أختيار موقف

دمت بود

أختك الجادل

[فيصل الرشيدي]

يسعدلي هالطله


ولاهنتي على المرور العذب اختي الجادل

[عبدالعزيز الخياري]

انته تجاهلت الرسايل عقب جاتك فالبريـد
وليا دخلنا المعركه مـن تقـدره لاترحمـه

الله الله

محاوره رائعه


الله لايهينك سيف عنتر


على النقل وحسن الاختيار


تقبل تقديري

[بدر السيحان]

اقتباس من مشاركة عبدالعزيز الخياري انته تجاهلت الرسايل عقب جاتك فالبريـد وليا دخلنا المعركه مـن تقـدره لاترحمـه الله الله محاوره رائعه الله لايهينك سيف عنتر على النقل وحسن الاختيار تقبل تقديري

بدر السيحان

[إحساس شاعر]

لاهنت ياسيف عنتر على هذا النقل وهؤلاء ليس بشعراء وحسب بل :

الاول / علم على رأسه نار

[COLOR="DeepSkyBlue"]والثاني[/COLOR] / محيط أو اسطورة شعر المحاورة على مدى تاريخ الشعر الشعبي والبشريه عموماً .


تقديري لك ؟؟؟؟

[الحر]

السلام عليكم ورحمة الله وبركاته
الله يعطيك العاااافيه على هذا الموضوع الشيق بصراااااحه
ونتمنى منك المزيد من هذه المواضيع وخااااصة المحاورات
التي بين الشعراء الكبار والله يوفقك اخوي لمااااااااااااااا يحبه ويرضاه

[شامان]

1000%