[عبدالعزيز الخياري]

اضع بين ايديكم هذه الابيات المتواضعه اتمنى ان تنال اعجابكم

الخاطر اللي صابه الهم والضيق=من كثر ماصابه تعقد مزاجه
صارت دروبه قدم وجهه مغاليق=من وين ماوجه اغبار وعجاجه
ماأدري ذنوب او قلة(ن) بالتوافيق=او كل هالضيقه علشان حاجه
احيان مايواطن جميع المخاليق=يلقى ببعض الناس زود انزعاجه
عشره من الميه رجال(ن) مطاليق=وتسعين بالميه لقاهم سماجه
لاتغرك الازوال منظر وتلفيق=شكلة صقر واليا بخصته دجاجه
حقيقة(ن) ماهي بضحكه وتعليق=بير(ن) قراح وبير مر وهماجه

أخوكم: عبدالعزيز دحيم الرشيدي

الموضوع الأصلي: الخاطر اللي صابه الهم والضيق | | الكاتب: عبدالعزيز الخياري | | المصدر: شبكة بني عبس

[سعد الرشيدي]

بير(ن) قراح وبير مـر وهماجـه

الله يابو دحيم

صح اللسانك والله على هذه القصيدة

التي تحمل الحكمة وشي من الواقع بهذه الدنيا

بيض الله وجهك قصيده بمعنى الكلمة تستوقف القاري

لتكرار اكثر من مره

اخوك سعد

[الهنوف]

صح لسانك

يعطيك العافية ووفقك الله

دمت بخير
أختك الهنوف

[سلطان العايضي]

الشاعر / عبدالعزيز

لاهنت على الابداع

لاتغرك الازوال منظـر وتلفيـق = شكلة صقر واليا بخصته دجاجـه

[عبدالعزيز الخياري]

اقتباس من مشاركة سعد الرشيدي الله يابو دحيم صح اللسانك والله على هذه القصيدة التي تحمل الحكمة وشي من الواقع بهذه الدنيا بيض الله وجهك قصيده بمعنى الكلمة تستوقف القاري لتكرار اكثر من مره اخوك سعد

صح بدنك اخوي سعد واشكرك على مرورك الكريم
ووجهك ابيض
23232

[مسندالعويمري]

لاتغرك الازوال منظر وتلفيـق=شكلة صقر واليا بخصته دجاجه

الشاعر / عبدالعزيز

لاهنت على الابداع و الحكمة

[شاعر الثقلين]

صح لسانك


قصيده لامعه في سماء الشعر ولها نكهه خاصه


بيض الله وجهك وإلى الأمام يالغالي



تقبل تحياتي

[غازي البراك]

صح السانك واعتلا شانك قصيده تستاهل الاشاده لشاعر يستاهل المتابعه ولاحترام