[بنك الشعر]

صباح /مساء...الخير اضع بين ايديكم محاوره جرت بين

الشاعرالكبير/عبدالله الاشرم
والشاعر القادم بقوه /حجاج الرشيدي

حجاج المهيمزي
هلا يامرحبا باللي حضر من كل فج ودار=تراحيبٍ على الحضار مربوعه ومثنيه
انا الليله نويت اداحم الشعار والشعار=عليهم تصطلي ناري بلا رحمه وماويه

عبدالله الاشرم
يدوم الك البقا والاوله لمعزب الخطار=وامثل عبس بالسودان واللي بالسعوديه
تقرب يبن عمي والعرب تلفت لك الانظار=وانا بلعب معك وابلمسك لمسات فنيه

حجاج المهيمزي
بعد ماجيت يالاشرم محل اهل الوفا والكار=وجودك عز من بين الرجال ونارنا حيه
انا في ماقفي شاعر محنك ماعلي اغبار=واعرفك زين يالاشرم عساك تصفي النيه

عبدالله الاشرم
عسالله مايهينك وانت عزٍ للوطن والدار=ولاكن كيف تاقف وانت بين الداب والحيه
انا شايب من الشيبان والعب مع شباب صغار=وحنا هل قريه كل واحد يعرف اوخيه

حجاج المهيمزي
ترى كلٍ يقول اللي مهدم سد مارب فار=وانا اقولٍ صحة هرجهم سبعين بالميه
الا ياشايب الرحمن ريح والطوال قصار=مدام ان ابن عمك حي والديران محميه

عبدالله الاشرم
صحيح الفار هد السد مير السد كيف انهار=وهذي حكمة الفرد الصمد قدره الاهيه
الا ياصغر سنك مير في راسك علوم اكبار=وهذي ليلةٍ سميتها ليله شبابيه

حجاج المهيمزي
ترى كلٍ يعرف ان الله اللي سير الاقدار=مايجحد قدرة المعبود غير ابن اليهوديه
صغير السن واحمي ماقفي في سيفي البتار=واضد القوم لو القوم خياله ورجليه

عبدالله الاشرم
ترى قدمك خطر مير انتظر صفارة الانذار=وانا صاروخ روسي وانت دبابه فرنسيه
انا شوفك تهقوى بالبحر مير البحر غدار=تبى تغرق ببطنه وانت ابو بندق وشبريه

حجاج المهيمزي
انا رجال مانزل مقامي للخزى والعار=ولاكن انت وش بك تجزي الحسنات بالسيه
على قد الهقواي خطوتي وانا طويل اشبار=ولوان انت واقف بين حر الشمس والفيه

عبدالله الشرم
انا ماقلت علمٍ يالرشيدي يجرح المقدار=لاكن انته تنافسني ويمكن فيك نفسيه

الموضوع الأصلي: محاوره بين الشاعر عبدالله الاشرم×حجاج الرشيدي | | الكاتب: بنك الشعر | | المصدر: شبكة بني عبس

[صاعوق]

ترى قدمك خطر مير انتظر صفارة الانذار=وانا صاروخ روسي وانت دبابه فرنسيه
انا شوفك تهقوى بالبحر مير البحر غدار=تبى تغرق ببطنه وانت ابو بندق وشبريه

حجاج المهيمزي
انا رجال مانزل مقامي للخزى والعار=ولاكن انت وش بك تجزي الحسنات بالسيه
على قد الهقواي خطوتي وانا طويل اشبار=ولوان انت واقف بين حر الشمس والفيه

بدع ورد رائعين وشعراء كبار

بنك الشعر مشكور على النقل الرائع

[بنك الشعر]

ماسوينا شي اقل مانقدمه لمبدع مثل الشاعر حجاج المهيمزي. وشكرا للمرورك اخي صاعووووق

[نطاح]

محااوره ممتعه وشعاار مميزين

اشكرك ع النقل الجميل

[بن قنور]

افضل من افضل المحاورات في هذا القسم

حجاج والاشرم نجووم

[عويض بن شامان بن خلف]

محاوره رائعه
وحجاج رغم صغر سنه شاعر متمكن
تسلم يابنك الشعر

[العـير]

ترى كلٍ يقول اللي مهدم سد مارب فار=وانا اقولٍ صحة هرجهم سبعين بالميه

صح الله لساانك بالصميم اشكرك ع النقل بنك الشعر