[ابن شلال]

السلام عليكم ورحمة الله وبركاته
قال / شبيب جعيلان الدقباسي رحمه الله في ضياع طيره الديش ...
يابو سعود الطير لو قلت هداد
...................ماهو مونّس خاطري في هداده

لو قلت لي فرحان يطلع وصياد
...................ما لي بغير الديش شفٍ و راده



وجدي على اللي ضاع بحدود بغداد
....................حول الجريبة في هذيك الحماده



مع ايسر الساعة وغريبها غاد
.....................والا هداني حروته واعتماده



طلعه طيار وراح يتلب وطراد
..................وجول الحباري منه جت به شراده



واقفت معاشير الحباري وشراد
.....................مصقره قدمه وجاهن زياده



واحمد يقول الطير ماهو بالاوجاد
.... .,,,,,,,,,...اتلى العهد به صار كبر الجراده



كثر الصياح وشوحت اللوح ما فاد
...................محتاج واقفى الديش طول عناده



دورت بالحروه ونشدت الاجواد
...................وراح التعب كله على غير فاده



ومعنا تدور كل ذربين الاولاد
......................كل مبدي قدرته واجتهاده



ياعل يومٍ ضيع الديش ما عاد
.....................يا وسع والله فرجته وابتعاده



ابيه لا من صار من بيننا عناد
.....ز...........لو هو على الشرهين يعطي الشهاده



بين النشامى ما اظهر الصوت وجهاد
.....................والصيد ونسه والمعاند اقناده



يا ما حبسنا طيورهم جمع وافراد
....,,........,,....راكد وعند الطلع ما به ركاده



ما هو كذوبٍ في طلوعه وصداد
,,,,,,,,........,,,شرٍ على الخرب المصودع عفاده



لا صار وزنه طير ذوقه الانكاد
.....................راعيه حول ضيقته في فؤاده



متعومسٍ يطلب من الربع الانجاد
.....................يقول جاه بطلع طيري براده



.ولا صار به تسجيل في زود الاعداد
.....................دايم بفرز الصيد يكثر عداده



متنومسٍ بالديش ماني بنشاد
.....................مثل الزعيم اللي ثبت بالقياده



ما خاطري عقبه على الصيد منقاد
..................ولا لي على المقناص صبر وجلاده



لولا الجماعه قلت يالربع معواد
........................كل يعود يم يمة بلاده



ياعل ماجانا عن الصيد لداد
,,,,,,,,,,,,,,,,,,,,يالله عسا ماهو الطام وقراده



سهيل لحق الديش يوم الهوى زاد
..................واللي عيونه صادت الديش صاده



من بينهم ساعة مضيعه بالاوكاد
...................هدت خطا والله نوى في نفاده



ما ثبته دربيلنا يابن حماد
....................والفارسي طرد الحباري مراده



من اولٍ مع طلعة الشمس مداد
...................ومن عقبهم رمعت درب الفهاده



افرح على المقناص لا صرت قعاد
..................غديت مثل اللي سمح من جواده



قبلٍ عليها كاسبٍ شقح الاذواد
......................واليوم رجلي ولا به حياده



والوقت لو زين لك ايام ظهاد
....................كم من عقيدٍ حوله من شداده



والطير وابن ادم مرده الانفاد
,,,,,,,,,,,,,,,,,,,,,,الدايم الله والفنا في عباده

الموضوع الأصلي: اقوى قصيده في الطير.الصقر | | الكاتب: ابن شلال | | المصدر: شبكة بني عبس

[سحايب]

،،،،،صح السان شبيب
وسلمت يمناك على النقل
رؤؤؤؤعه لاهنت

[أنكسارحلم]

صح لسانك
تحياتي لك

[ابن شلال]

دمعه + انكسار حلم شكرآ لكم على المرور

[صقر بني رشيد]

صح لسان شاعرها وبيض الله وجه ناقلها

[عايض حماد بن عريجه]

صح السان شاعرها وسلمت يد ناقلها ..
تحياتي لك ..