[رفيق الدرب]

يابنت قبل امس فضلتكـ ع غيرك ... واليوم مـاني مصدق كيف حــــبيتك

من كثر ماأعجبني سـلوبك وتفكيرك ... من كل قلبي ورب البيت عـــزيتك

لاكـن تفـأجيت في هجركـــ وتبريرك ... وانا ماعمري جـرحـتكـ واستفزيتك

ولو كان به عذرواحد من معاذيرك ... يستاهــل اني اعـذركــ مـاتخاطيتك

يفوح عطر اهتمامــكــ في تعــــابيرك ... لاكن احســاسي يقول اني ماهميتك

ومتى مــاقل اهتمامــكـ قل تقديرك ... ولاارخصتني ونت غالي ماتغاليتك

فأذا مقــاسيم ربكـــ طيرت طيرك ... أسـف لوني عــلى فرقاي حديتك

كــرامــتي غاليه لو قلبي أســـيـرك ... ان شفت مــاعفت خليته وخليتك

حبيت قبل انسحب بسكات تذكيرك ... اني لو اموت عندك ماترجيتك

لاكن تعالي غلا ولا كثر الله خيرك ... روحي وانا اروح لاشفتك ولاجيتك

اللشاعر مساعد سالم القلادي الرشيدي

الموضوع الأصلي: يابنت قبل امس فضلتيكـ ع غيرك | | الكاتب: رفيق الدرب | | المصدر: شبكة بني عبس

[مذكر الرشيدي]

صح لسان الشاعر القدير مساعد القلادي

قصيدة فيها من الابداع مايميزها

لاكن تعالي غلا ولا كثر خيرك ... روحي وانا اروح لاشفتك ولاجيتك

[تعبت منك]

صح لسان الشاعر القدير مساعد القلادي

قصيدة فيها من الابداع مايميزها

[رفيق الدرب]

مذكر الرشيدي، وتعبت منك شكراً لكم جميعاً
تقبلو تحياتي وتقديري

[ابوصالح لرشيدي]

صح السانه قصيده جميله ورئعه ..
تحياتي لك ..

[رفيق الدرب]

صح بدنك يابو صالح وشكراً ع مرورك
قبل تحياتي وتقديري

[الوعد]

صح اللسانك
اسمح لي ابدي اعجابي بقلمك وتميزك واسلوبك الراقي وتالقك
مشكوووووور والله يعطيك الف عافيه