[أخـو جـزعـة]

أخو جزعة

يا هجوس العود هيا تغني بالقصيد=والمحيط الابجدي غيبهانه ممتلي
من يعرف الفرق بين الحرار من العبيد=فاهم ٍ وش ملة الشافعي والحنبلي

شاعر الصعاليك

من زعل غنيت يا صاحبي ولا سعيد=رجني صوتك وانا بالمضيق الساحلي
كلهم من خلق ربك ولله ما يريد=الردي تحت العرب والصتيمه معتلي

أخو جزعة

انت يالصعلوك فاهم ومنك نستفيد=والشحم معروف ثقل على ذنبة الطلي
ما يفيد النصح يا صاحبي ذهن البليد=لو ينوشه ميسم ٍ تحت نار ٍ تصطلي

شاعر الصعاليك

كيف يوم العيد جبت الهدايا من بعيد=وانفرط عقد الذهب في يدين المبتلي
الحقيقه ما يفك الحديد الا الحديد=فالزمان الحاضري والزمان الاولي

أخو جزعة

صاحبي وش فيه شفقان والناقص يزيد=لا غشاك الليل حاول ضلامه ينجلي
البدو يا صاحبي شوفها عند الشديد=ما يشيل اركابها غير زومان جملي

شاعر الصعاليك

كان تبغى زبدة القول والعلم المفيد=العشاء عند الحضر يا شوي ولا قلي
والبدو في طبعهم من قديم ومن جديد=القدور اتفور من نارها يا بو علي

أخو جزعة

والله اني ما نويت الخباثه يا حميد=لا هوى نجم السما يالبسيطه زلزلي
والبدو من طبعهم من ثريد اليا عصيد=وان زهمت البدو ما يبلعون السمبلي

شاعر الصعاليك

البدو بعد النكد طبوا بعيش ٍ رغيد=بس ما شفت العرب بالمقام الاولي
وان بحثت السر ما قلت لك غير الاكيد=نكبة ٍ صارت باهلكم ولا صابت هلي

أخو جزعة

بيتك الاول عطيتك منه رتبة عميد=مير لا شفت اللوى بالتحيه تبخلي
منت لاقي غير عز ٍ لتاريخ ٍ مجيد=مير انا ما جيت اببحث وسرك صاحلي

شاعر الصعاليك

ما لحقني شك يا راعي القلب العنيد=قصر دسمان الكويتي ترى ما يجهلي
قلت لك يا صاحبي عاين بعرق الوريد=لا زعلت اصير كنه بدمي ممتلي

الموضوع الأصلي: أخو جزعة و شاعر الصعاليك (2) | | الكاتب: أخـو جـزعـة | | المصدر: شبكة بني عبس

[مصفي المرح]

صح الله السنتكم طاروق متعوب عليه

[أميرة البنات]

صح الله السنتكم ياشعارنا

[السيف القاطع]

صح الاسنتكم طاروق رايع من شعار مبدعين