[خليف الوهيداني]

الهمـز والمـز والغيبـات والنمـه=والله مانـي باصاحبهـا وراعيـهـا
ولاتهزني هرجت اللي فاسد(ن)دمـه=اللـي دروب الحيـا والعـز نافيهـا
ماهمه العيـب والمنقـود مايهمـه=ولاهمته سمعتـه لا حـل طاريهـا
سؤال والجيم فوقـه نرفـع الظمـه=شفها وحلل على الراحـه معانيهـا
يموت داب العدوا بالحنجـره سمـه=ولاتقرص الحيـه الا مـن يباريهـا
ليا جهلت الرجل سوق القـدم يمـه=ولاجيت بيته تبـا علومـه تلاقيهـا
مايقيم الرجل فـي خالـه ولاعمـه=والمرجلـه وهبـت(ن)والله يعطيهـا
عن الـردا نرتفـع لطيـب بالقمـه=وتلقى علوم الرجال بـدار اهاليهـا
وبالشعر والطيب نغرف من بحر جمه=وتفخر بنا رجال بالدنيـا نخاويهـا
والجار مايشتكي مـن قربنـا همـه=ودخيلنـا دونـه الاعمـار نفنيهـا
يالشعر ود الخبر من هاجسـي لمـه=وعطه علومي مـن اولهـا لتاليهـا
اقول هرج الحقايـق وابـري اذمـه=ولاجمع علوم(ن)ماهي فيه وغنيهـا
والله مصيبه مصيبه حيـل ومطمـه=دنيا تهـول بهـا وتعيـف مافيهـا
مجروح جرح(ن)نزيفه مالنقطع دمه=غريت نفسـي وغرتنـي هقاويهـا
ودي اخف الجروح وغيضي اطمـه=وبليت في ناس رب البيـت باليهـا
ومن فارق العز ضاع وعزتي لا امه=تعبـت بحملـه ولا طابـت لياليهـا
تلقى عفون البشـر بالـراي ملتمـه=رؤس وعيون(ن)بلا عقول(ن)تقديها
مثل الغراب الخبيث اللي على الرمـه=طير(ن)سـوايـه كل(ن)مايدانيـهـا
والله لخليه يخط الدرب ويخمه=وكبده مع النصف لجرحا ولكويها
والماء ليا من حضر ماتنفـع اليمـه=ولا يجرح النفس غير عناد غاليهـا

الموضوع الأصلي: ليا جهلت الرجل سوق القـدم يمـه | | الكاتب: خليف الوهيداني | | المصدر: شبكة بني عبس

[أنكسارحلم]

الهمـز والمـز والغيبـات والنمـه=والله مانـي باصاحبهـا وراعيـهـا
ولاتهزني هرجت اللي فاسد(ن)دمـه=اللـي دروب الحيـا والعـز نافيهـا

صح السانك يالامير على هذه القصيده الرائعه

قصيدة تحمل الكثير من المعاني الساميه والمفردات الجميله

لله درك يابو خلف على هذا الابداع

وكل عام وانت بخير

[راعي البلها]

صح لسانك اخوي خليف ولاهنت على هذه القصيده

[صادق الوعد]

تسلم اخوي خليف على هذه القصيده الرائعه وصح السانك

ابداع في معنى الكلمه

لك خالص احترامي

[صقر عبس]

صــــــــــــــــــــــــــــــــــــــــح لساااااااااااااااااااااااااانك أخووي خليف الوهيداني

تحياااااااااااااااااااااااااااااتي

[فيصل الرشيدي]

ليا جهلت الرجل سوق القـدم يمـه=ولاجيت بيته تبـا علومـه تلاقيهـا
مايقيم الرجل فـي خالـه ولاعمـه=والمرجلـه وهبـت(ن)والله يعطيهـا
عن الـردا نرتفـع لطيـب بالقمـه=وتلقى علوم الرجال بـدار اهاليهـا

صح لسانك واعتلا شانك يا ابن خزيم


قصيدة جزلة بمعنى الكلمة


تسلم يمينك وربي يوفقك وبانتظار جديدك

[بندر الذيابي]

صح لسانك والف شكر لك علي هذه الرائعه



بانتظار جديدك


تحياتي



بندر الذيابي

[عبدالعزيز الخياري]

عن الـردا نرتفـع لطيـب بالقمـه
وتلقى علوم الرجال بـدار اهاليهـا
وبالشعر والطيب نغرف من بحر جمه
وتفخر بنا رجال بالدنيـا نخاويهـا
والجار مايشتكي مـن قربنـا همـه
ودخيلنـا دونـه الاعمـار نفنيهـا

الله الله

صح لسانك ياخليف الوهيداني


قصيده وافيه سجل إعجابي..


وبإنتظار جديدك