[زعيم الشواعير]

السلام عليكم انا نويت اجرب قدرتي بالتحليل واعجبني طاروق شاعر الصعاليك والطنطاوي اللي صار عليه شوية هرج

لكن قبل كل شي انا اتشرف باني احلل محاوره لاخواني الكبار الطنطاوي وشاعر الصعاليك اللي يبيلي عشر سنين اقل شي حتى اصل الى نص مستوياتهم

واتشرف ان الطنطاوي من عيال عمي لكن الصعلوك يقولون عتيبي وانا اتشرف فيه بعد وهو قريب لقلبي اكثر من مفتي مصر ههههههه لكن بلاه انه اجنبي

وارجو من الجميع اللي عنده فائده يفيدنا واللي يبى يخرب الموضوع لاتشوفه عيني راد وارجو من المشرفين انهم مايتعرضونه لانه تبقى اراء والمعنى ببطن الشاعر

الطنطاوي

يا شاعر الاعلام معلوم لو علمتك الناس --- تبقا على الفانوس وتقربك شعله وفانوس

يقول الطنطاوي ياشاعر الاعلام انا اعرفك زين

تبقا على الفانوس اتوقع انه بيت ملغوم لان اللي دايم يبقى على الضو وتجذبه النار والضو الجراد اللي ماله عن النار ههههههه

يقول الطنطاوي انت تقربك ناري لاشبيتها واعلنت المحاوره وبنفس الوقت بيت ملغوم انك جراده ههههه

انا ليا شفتك تركت الرجا وابحرت فالياس --- شاعر صعاليك ويهب الهوا يا كاره الكوس

انا لاشفت لقبك انك شاعر اعلام خليت الرجا انه يصير فيه شعار دامك انت شاعر الاعلام واييست انه مافيه شعر هنا

شاعر صعاليك = الصعلوك = بحثت في قوقل وتعبني كثرة المواضيع عن معناه وسالت الاستاذ محمد عبدالعظيم مدرس اللغه العربيه مصري اكبر مافيه دماغه ههههه قال هو الانسان الذي لايملك شي

يعني انت شاعر صعاليك وحاطينك شاعر اعلام

ولاهبت رياح الكوس وهي رياح جنوبيه تمر بالبحار وتسببلها امواج تخاف منها

الطنطاوي مهاجم بخطة 2 - 1 - 7 ههههه

شاعر الصعاليك

يا كيف تفتي يا صحيبي علينا بقول لاباس = وأنته معك مسواك لكن بدا بسنونك السوس

يقول الصعلوك هههه كيف تجي تعلمنا وانت حاطينلك شاعر اعلام وانت مستشعر معك مسواك معك لقب بدا بسنونك السوس يعني منت شاعر يقاوم الشعار

حب الحياه اللي ذكرها لنا تاريخ نواس = غطى على عيون البشر كل ما بالوقت محسوس

حب الحياه حب المجد اللي يذكره التاريخ انك تشتهر وتصير شاعر كبير ومعروف غطى على عيونك وماتشوف الشعار والشعر

يعنى انت من كثر ماتخيل صار مايعجبك شي من الشعر

الطنطاوي

يلي تقايس طولها ما لها بيديك مقياس --- انته مضلل تحتها في كنف حارس ومحروس

ياللي تحسبن اللقب يهمني وتقيسه ويهمك ترى ماله داعي ابد

انت داخل منتدى لوكل ليله يشرشح فيك محد درى عنك محروس من العيب وماتطلع للناس

منته بلاقي طب لا صار وسط الصدر وسواس --- من كثركم فالارض كن الحيا من فوق محبوس

اذا ماتفكر انك تظهر ولاعندك ثقه بنفسك مافيك طب لاصار الشيطان يوسوس لك انك ماتقدر تطلع

من كثركم فالارض من كثركم بالمنتدى

كن الحيا من فوق محبوس = كن الشعر والشاعر الموهوب مستحيل يطلع يعني تواجدون بالمنتدى ولاتواجدون بالملاعب

باختصار من قل بركتكم مارايح يطلع لنا شاعر علم

شاعر الصعاليك

لا صار مالك مع هل العرف يا طنطاوي مجلاس = تضحك عليك الناس يا صاحبي اقيام وأجلوس

يقول شاعر الصعاليك دامك طنطاوي مصري لاتقول اني اعرف بالشعر يضحكون عليك الناس بكل مكان مصري وشاعر محاوره مايصير وشلون تكلم عن الشعار وتميزهم

لو شفت وش سوى كليب العرب لعيون جساس = قصة تدرس في عناوينها عزة وناموس

بيت مادري وين اجهه كليب من يقصد مااتوقع شاعر الصعاليك يصف نفسه بانه كليب مستحيل هل يقصد فيه معنى سياسي او ان شاعر الصعاليك يعرف الطنطاوي من يكون وحب يعلمه او يقصد مجرد اسم والطنطاوي

اعتذر عن التحليل لقلة الخبره ولاافتي بشي

الطنطاوي

انته تحت ديس المنيحه ولا حسيت بحساس --- كانك بليا احساس بكره يجيك معدل القوس

انته تحت هاللقب اللي منحوك ولاتدري وش السالفه = كانك ماتدري وش السالفه يجيك واحد يعلمك بالشعر

طبعا الطنطاوي مارد على انك مصري تحديدا رد على البيت بالكامل

كانك كشفت الراس مالك عشا يا طابخ الفاس---- يلي يبيلك درس و الدرس عند الربع مدروس

البيت هذا رد على بيت كليب وجساس

ماافتي بهالبيت لكن اتوقع ان الطنطاوي يقول دامك علمتنا انك كليب لاتدور نصر ياللي جبت العيد انت يبيلك تعليم لحالك من جديد

لان جيبت العيد علمنا الربع انهم ما يجيبون العيد وانت اظاهر ماتعلمت معهم هههههه

ملكع ابوطنطا مسوي نفسه ينكت هههههههه

شاعر الصعاليك

يا بايع الذمه على الناس لا تضحك بمحماس = تشرى ذهب لكن دفعك ما هو يا شيخ بفلوس

اتوقع انه يقول يامصري ياللي تقول انك مصري ولاانت مصري او انك ماعندك ذمه ماتعد الحق

لاتضحك بمحماس = اتوقع يقصد مجرد اسم لاتضحك عليه تقول انا شاعر ههههه

= اذا شاعر الصعاليك يقصد ان مجرد اسم هو محماس عزالله انه لقا اسمه اللي يناسبه ههههههههه مجرد مداعبه

تشري ذهب لكن دفعك ياشيخ ماهو بفلوس

اتوقع انه يقصد انك تستلم ابيات جزله ولاترد عليهن صح

أثرك تخاف امن العواصف وتسكن بارض مكناس = واليا لبست الثوب تلبسه يا رجال منكوس

اثرك تخاف اني اسبك وواصفك بكليب

واليا لبست الثوب اذا حللت البيت تحوس البيت تعكس معناه من الذله

هالبيت خصوصا توقع ولاهو تحليل

طنطاوي

حبل الرجا مقطوع دق الجرس وندق الاجراس --- كشفت راسك مير عيا يصادم راسك الروس

حبل الرجا مقطوع = يعني مافيك فايده

دق الجرس وندق الاجراس = انزل للملعبه واطلع باسمك الصحيح واقابلك ونشوف منو الشاعر بيننا

وانت كشفت راسك = يعني حاولت تطلع لكن ازريت لاتقدر على الشعار

رخص الذهب فالسوق وانتم تبونه يقلب نحاس ---- مافيه صلح وبينكم يا عربنا وقفة نفوس

يقصد انكم خربتم الشعر مابقى الا يقلب نحاس مارايح اصالحكم دامنكم منتم شعار

الموضوع الأصلي: تحليل محاورة شاعر الصعاليك والطنطاوي | | الكاتب: زعيم الشواعير | | المصدر: شبكة بني عبس

[زعيم الشواعير]

تبون العلم والله انكم دواهي بالشعر

ياشاعر الصعاليك انت والطنطاوي

[الهيبي]

سلام عليكم ورحمة الله
اخوي زعيم الشواعير مشكور على الجهد لكن انت تقول ان الي دفعك لتحليل هو شوية هرج

عزالله شوية الهرج انك ماجبت وراه شي جديد مشيت بنفس ماوضح
في الاربع البيوت الي موضحه لك بشوية الهرج الي تقول لكن بقيت التحليل جانبك الصواب والمشكلة ان البيوت مكشوفه

يلي تقايس طولها ما لها بيديك مقياس --- انته مضلل تحتها في كنف حارس ومحروس

لكن هذا البيت حقيقة لم يوفق فيه طنطاوي وقد اتفق مع طنطاوي لوكان هذا البيت موجه لك انت يازعيم الشواعير

ومايحتاج شرح واضح وضوح الشمس في رابعة النهار

لا انك خشيت غلط وحللت تحليل خاطئي

والدليل على كلامي تفسيرك لشطر طنطاوي هذا

حبل الرجا مقطوع دق الجرس وندق الاجراس

تحليلك انت ~~

حبل الرجا مقطوع = يعني مافيك فايده

لكن الحقيقة ~~ حبل الرجا هو المعنى ~~ يعني حنا مانلعب على معنى اوضاع المعنى بيناا والسبب ماندري منهو منه
دق الجراس ~ العب لعب سطحي

انته تحت ديس المنيحه ولا حسيت بحساس --- كانك بليا احساس بكره يجيك معدل القوس

المنيحة الشبكة ~~ معدل القوس يرمز لـ للقوة والعنف والصواب الخ

يا كيف تفتي يا صحيبي علينا بقول لاباس = وأنته معك مسواك لكن بدا بسنونك السوس

هذا البيت لوحللته بتحليل صحي كان انصفت شاعر الصعاليك
لكن جانبك الصواب
والتحليل

هو ياكيف تفتي ~ تصرح او تقول

ابعلم لاباس ~~ يعني علم متوسط لا انكره ولا اعتمده

وانته مع مسواك لكن بدا بسنونك السوس

انت شاعر نستمع لك ~ ولكن من خلال هذا العلم الي تقول اخطيت

وهذا البيت بيت نقض مية بالمية

وشكرا للجميع

[زعيم الشواعير]

اول شي تقول اشكرك على جهدك ياشاعر الصعاليك وثاني شي تقول لوالبيت هذا موجه لك يازعيم الشواعير

انت حدد من تخاطب وبعدين قل اللي عندك

ثانيا شاعر الصعاليك مايحتاج تعلمني وشلون انصفه لانه منصفه بالشعر قبل اكتب موضوعي وشاعر مايحتاج لاشهادتي ولاشهادتك

ثالثا



كلامك ماهوايه منزله ولاحديث من النبي صلى الله عليه وسلم كلامك يحتمل الخطا والصواب قل هذا رائي ولاتقول انت خطا وانا اللي صح


على العموم شكرا على تعليقك وننتظر البقيه

واتمنى اللي يرد يرد على تحليل الابيات ولايقعد يحلل شخصيات العالم

[الهيبي]

اقصدك انت

وانا ماجيت اشهد العلان اوفلان لكن التحليل الخاطي له اثر جانبي على صاحب المحاورة وبعض الكلام الي تقول لم يقصده طنطاوي انا اعرف طنطاوي واعرف نهجه يلعب لصالح المحاورة ولا يلتفت لبعض الجوانب الي ذكرت
وهذا الكلام مرفوض اذا لم تستطع التحليل بشكل ايجابي وتباعا للمثل ~ سدد وقارب ~ انصحك بالابتعاد عن التحليل لان اخر شي بتقول انك صغير سن والوقت مااسعفك لانك تنام بدري

[زعيم الشواعير]

موضوعي اللي انا تعبان عليه ماني مخليلك مجال عليه

واقول لك بالنهايه كلامك يحتمل الصواب ويحتمل الخطا

(( وكلامك يعبر عن رائك وليس كلام منزل اوحديث مرسل حتى نتبعه ))

[قناص الضواري]

حللو حللو الله يقويكم مع السلامه

[شاعر الصعاليك]

الله يعطيك الف عافيه يا زعيم الشواعير على هالتحليل
وتشكر على التحليل ومن حقك ، ولكن تبي الصراحه
طرحه كموضوع أن اشوف ان الطاروق ما يستحق طرحه .
لسبب أن الطاروق لم يكتمل وعدم التفاهم يحبط الطاروق
والا طنطاوي للأمانه شاعر كبير واللعب معه مكسب
وهو ماهو بحاجة شهادتي .

والهيبي أتوقع أنه قال الزبده وعنده الكثير .
ويقول صياف الله يرحمه ( ان اللي يحلل الطاروق مجنون )
لان المحاور مفتوحه على عدة اتجاهات ، وحتى الشاعر
نفسه يكون عنده اكثر من محور
وأنت خطير يالزعيم ، ونظرتك حادة الله يستر عليك
وانا كنت شاك بشئ واللحين تأكدت منه .

وترى الصعلوك ما هو عتيبي ، واللي يقولك ما عنده سالفه هههههههههه
العلم تلقاه عند أبو توتو ههههههههههه

وشكرا لك يالزعيم وتبقى زعيم