[شاعر الصعاليك]

هذي قصيدة لاخي العود أخو جزعه ، وأمل أن تنال استحسانكم

يا العود صندوق الضماير يبا يبيح = باللي يكنه والحقايق تدومي
في حضرتك يا العود ليل التباريح = قفى وصبح العيد ما فيه صومي
ما تنقص الكيلة بوسط المفاويح = وأنته مقامك مايبي له ختومي
أنت الذي حطيت للمجد توضيح = وأنته تقول السالفة لمهزومي
أنا جبل ثابت ولا يمكن أطيح = وأنته جبل يا شيخ فوق الغيومي
الطيب في يدين النشاما مصابيح = وهبه من اللي للخلايق رحومي
طهر القلوب الصافيه ما بها قيح = بيض الوجيه اللي تعرف العلومي
أبيوتهم تبنى على هبة الريح = وأنفوسهم تاسع لكل النجومي
فالعز والنوماس كل واحد يميح = دلوه عن دلي العرب بالزحومي
وأنا أحمد الله ما طردت المشافيح = ولا لي مع وجية الفقارى لزومي
اليا مشيت الدرب فالليل ما أطيح = أسري وقلبي بالعقال محكومي
مالي خوي غير الوجيه المفاليح = اللي تنومسني وترفع سهومي
الله شهوده فالبسيطة سوابيح = وأنا ما أغط الحق داخل هدومي
الطيب بيّن في وجيه الطحاطيح = والا الردي من كل خير محرومي

الموضوع الأصلي: الله شهوده فالبسيطة سوابيح ..!! | | الكاتب: شاعر الصعاليك | | المصدر: شبكة بني عبس

[صعصعة]

صح لسانك < ومايبي لها كلام انت اساس الابداع
وروعة التنسيق اثناء اتعمق بالفكر لتجلب لنا الافضل
من حيث السطور الشعريه
.
.

"جيتك وكلي فلسفه "

[شاعر الصعاليك]

صحت أبدانك هواجيس الذكرى ، وشاكر لك مرورك العذب

[ابوصالح لرشيدي]

صح السانك ياشاعر الصعاليك وخو جزعه يستاهل كل خير .
اشهد بالله انك شاعر اعلام ..
بيض الله وجهك .
وتقبل مرور البسيط ..

[بندرأبن طريف المظيبري]

صح السانكـــ شاعرنا

[شاعر الصعاليك]

اقتباس من مشاركة ابوصالح لرشيدي صح السانك ياشاعر الصعاليك وخو جزعه يستاهل كل خير . اشهد بالله انك شاعر اعلام .. بيض الله وجهك . وتقبل مرور البسيط ..

هلا ابو صالح وصحت ابدانك وعاش من شافك
يالامير ، وشهادتك وسام على صدري
وأنت تستاهل الطيب على مرورك العذب

[شاعر الصعاليك]

اقتباس من مشاركة بندربن طريف صح السانكـــ شاعرنا

صحت أبدانك أخوي بندر ، وأسعدنا مرورك وتواجدك

[أخـو جـزعـة]

اقتباس من مشاركة شاعر الصعاليك هذي قصيدة لاخي العود أخو جزعه ، وأمل أن تنال استحسانكم يا العود صندوق الضماير يبا يبيح = باللي يكنه والحقايق تدومي في حضرتك يا العود ليل التباريح = قفى وصبح العيد ما فيه صومي ما تنقص الكيلة بوسط المفاويح = وأنته مقامك مايبي له ختومي أنت الذي حطيت للمجد توضيح = وأنته تقول السالفة لمهزومي أنا جبل ثابت ولا يمكن أطيح = وأنته جبل يا شيخ فوق الغيومي الطيب في يدين النشاما مصابيح = وهبه من اللي للخلايق رحومي طهر القلوب الصافيه ما بها قيح = بيض الوجيه اللي تعرف العلومي أبيوتهم تبنى على هبة الريح = وأنفوسهم تاسع لكل النجومي فالعز والنوماس كل واحد يميح = دلوه عن دلي العرب بالزحومي وأنا أحمد الله ما طردت المشافيح = ولا لي مع وجية الفقارى لزومي اليا مشيت الدرب فالليل ما أطيح = أسري وقلبي بالعقال محكومي مالي خوي غير الوجيه المفاليح = اللي تنومسني وترفع سهومي الله شهوده فالبسيطة سوابيح = وأنا ما أغط الحق داخل هدومي الطيب بيّن في وجيه الطحاطيح = والا الردي من كل خير محرومي

سلط الله على عدوك مدري انا احصلها منك ولا من دواس الظلام ههههه

صح السانك على هالجوهريه وابشر بردها لا بريت عسى الله يشفيني ههههه