[بندرأبن طريف المظيبري]

. أرجوك لا تسأل ترى القلب يكفيه
طيف يعبر ولا تغاريد ساجع .
. كنت النديم اللي من أول يواسيه
واليوم تكفى لا تزيد المواجع .
. خل الغريب يعيش بأحلام ماضيه
ولا الجفا ما عاد له طب ناجع .
. غريب لكن غربته في خوافيه
ما تنتعرف غربته فالمراجع .
. رست بي أيام الشقا في شواطيه
وشاطي الوله يجلب بموجه فواجع .
. وفات الزمان وضاعت أجمل معانيه
واللي مضى فالعمر ما هوب راجع .
. قصة غرام صاح فيّه مناديه
وجدد هجوس (ن) بالضماير هواجع .
. بعد فراقه كل شيء مجافيه
لا طيب عيش ولا وثير المضاجع .
. غلاه بيّن لو حاولت أخفيه
ولو هو بكيفي كان عنه أتراجع .
. تبي الحقيقة لو تعاني ما عانيه
وخص (ن) ليا منه هجع كل هاجع .
. يا ما تذكرته وسامرت طاريه
بطيفٍ عبر ولا تغاريد ساجع .



راقت لي

الموضوع الأصلي: قصيدة لا تزيد المواجع | | الكاتب: بندرأبن طريف المظيبري | | المصدر: شبكة بني عبس

[أنكسارحلم]

قصيدة روعه
لاهنت

[بن صامل]

دآئماً تروق لي بطرحك

قصيده جميله

[سحايب]

الله الله صح الســـــــــــــــــان الشاعر
وسلمت يمناك على مانقلت
قصيده رائعه ..........

[عايض حماد بن عريجه]

مشكوووووور والله يعطيك الف عافيه

[بندرأبن طريف المظيبري]

اقتباس من مشاركة ابو راما قصيدة روعه لاهنت

يااااااامرحبا في أخوي الغالي على قلبي أبو راما
سلمت ودمت يا الغالي... تحياتي

[سند الداموك]

رووعه بندر

تسسسسلم ياغالي

[بندرأبن طريف المظيبري]

اقتباس من مشاركة سعد محمد دآئماً تروق لي بطرحك قصيده جميله

حياك الله أخي الغالي سعد محمد كل الشكر على مرورك العطر