[ابوفيصل محمد]

ترفق ترى اللي هيض القلب في ممشاك && حلات الكعوب بصوتها وهز الاردافــــي


ماعرفك ولكن يالغضي خافقي خاواك &&واعرف ان مكسب خافقي منك الاتـــلافي


الازوال واجد مير مــــاهم مثل حلياك &&تخالف وصوف الناس عن وصفك الوافي


حلا ياقمر خمس وعشر لاح بمحياك &&بـــعد ما تعلا بالسماء نوره الصــافي


لو ان الأمل ساعد محمد على رجواك &&غمرني زماني بالفرح مابي خلافي


ولكن عذابي كل مامر في طرياك &&اعيف الحياه وخافقي منك ينلافي


الا ياحرير اللمس ماهمني مشراك &&ولكن بعيد العرف ياموتي الخافي


على شان رباً بين عفر البني سواك &&وفرق بينكن بالعقل وانواع الاوصافي


الشاعر/ محمد عبدالله ابن عمير

الموضوع الأصلي: ترفق (جــــديــــد) | | الكاتب: ابوفيصل محمد | | المصدر: شبكة بني عبس

[مذكر الرشيدي]

صح لسانك قصيده جزله ولاهنت ع الابداع

[ابوفيصل محمد]

صح بدنك ولاهنتم وتستاهلون المزيد

[قناص الضواري]

صح السانك قصيده روعه ومعبره

ننتظر جديدك لاتحرمنا وسجل اعجابي

[ابوفيصل محمد]

صح بدنك وشكرا على المرور

[ابن صقعان]

صح لسانك وصح لسان شاعرها

[تعبت منك]

صح السانك قصيده روعه ومعبره

ننتظر جديدك لاتحرمنا وسجل اعجابي

[سفرمسندردين]

صح لسانك ابوفيصل
قصيده رائعه