[السبع الضاري]

عليك الله وامانه يالمعزب مايجوع الذيب=ولايشكي جراهيد المجاعه وانت في صفه

تعنّز له ذراعك لغشى وجه الوساع الشيب=واخذ ثقل الملام من الرفيق ايميل بالكفه

تحرا حاجته في وقتها كنك تعلم الغيب=وتنحر له ذلول ٍ فخذها ماسوم بالكفه

عليها وسم عبس امورد اعدود الروا الهييب=ملك عرش الوسوم اللي من الضفه ليا الضفه

زمان الناس يملكها صنيع المعرفه والطيب=ولا جال بوطنها غير زين الطبع و العفه

عرجبي طاري ايام الشتا ..حط الحطب يا كليب=وانا ما هد حيلي غير ريش الطير لـــ ..ضفه

تعاقبني حواسيس ٍ تخليني وطن تعذيب = اجر الصوت منها بالخفا والظاهر ألفه

اطالع في مراقيب النوايف والنجوم اتغيب=وانا ادور ذهيب البال وأجمع فيه واصفه

ابا قطع التباعد واليقين ايسد باب الريب = وابا حمل الخيال اليا تعلا الريح ما تدفه

وابا حيد الجبال اليا انطحتها بالنحور النيب=تبركها على صم الصفا وتلاعب الطفه

وابا جر العوا باعلا مضارب عبس وادرا العيب = ولا اسمع كلمة ٍ دائم مراكبها على الحفه

الموضوع الأصلي: السبع الضاري يوجه قصيدة للمعزب | | الكاتب: السبع الضاري | | المصدر: شبكة بني عبس

[دواس الظـلام]

صح السانك يسبع الضاري

[ابوتوتو]

صح لسانك
عفواً ليس لديك صلاحية يابو توتو
والا والله انك تستاهل والقصيدة تستاهل اكثر التنسيق والروزه والختم ايضاً
بس العين بصيره واليد قصيره هه
مشكوووووور على هذي القصيدة بعيدة المراميييييييييس

[السبع الضاري]

اقتباس من مشاركة دواس الظـلام صح السانك يسبع الضاري

دواس الظلام اشكرك من ألبي ع المرور

[السبع الضاري]

اقتباس من مشاركة ابوتوتو صح لسانك عفواً ليس لديك صلاحية يابو توتو والا والله انك تستاهل والقصيدة تستاهل اكثر التنسيق والروزه والختم ايضاً بس العين بصيره واليد قصيره هه مشكوووووور على هذي القصيدة بعيدة المراميييييييييس

ابو توتو
او ابو نونو هههههههه
شكرا العفو على طيبتك وشرفتني

[ابوتوتو]

اقول وش رايك لك هدية اذا نمت على هذا السرير
انت والا المعزب

هاااااااه وش قلت ههههه

[الفيلسوووف]

اشهد بالله انها قصيده من شاعر شهادتي فيه مجروووحه

[الحر النداوي]

الله الله
أهب عساها تخفيك الأرماس ههههههههههههههه

صح لسانك والله يعين المعزب على الحمل الثقيل وننتظره