[الشاطئ المهجور]

تعبت من تعديل بعض العلاقات
اللي تبي كل أربع أيام تعديل


وتعبت أصامد طيش الأيام بسكات
وأنا مانا أتعب في وجيه الرياجيل


وتعبت من حبٍ على غير مشهات
وانا أعتزلت الحب وملاوع الويل


أثر المحبه فالزمن ذا دعايات
وحنا بجيل وصادق الود في جيل


اللي يقول إن الوفا حي ما مات
كنه اللي شاهد فالضحى نجمة سهيل


أما تأثر بالقصص والروايات
وإلا مع اللي صدقوا كذبة ابريل


ياما سهرنا والسهر بعض الأوقات
ما من وراه إلا الشقى والغرابيل


وياما كتبنا يا قصيدي والأبيات
في غير أهلها ما ترد المحاصيل


بنات فكري خيل مربط جزيلات
ماهوب مربط إفرق السوم وتشيل


نعسفها عسف المهار الأصيلات
إيلين ملينا من عسافة الخيل


ياليل جفني من عنا الوقت مابات
كن في ضلوعي دق نجر ومعاميل


ليت الغلا للي توده من الذات
يمحاه صبري والليال المقابيل


لو البكا بيفيدني...رد الأموات
ولو الجفا بيضر..ما عاد بي حيل


تدري البكا من سابع المستحيلات
عييت عيوني ترخص الدمع ويسيل


سلم على اللي تحسبنها إلااا جات
بتعين ضلوعٍ جفتها مداهيل


يارخصها من عقب ذا الليل بالذات
ويا غليها غلياه قدام ذا الليل


رح قل لها لبلادها (ست) رحلات
تختار وتعجل ومن دون تأجيل


تقفي ولا تكثر علي التلفات
أهل مصر ما تبكي الا على النيل


ماعاد عندي غير قطع العلاقات
اللي تبي كل أاربع أيام تعديل

مما راق لي

الموضوع الأصلي: كل أربع أيام تعديل. | | الكاتب: الشاطئ المهجور | | المصدر: شبكة بني عبس

[بندرأبن طريف المظيبري]

ذائقة رائعة تستهل الرد والتعليق
أحييك ع حسن الاختيار
ومبدع كما اشكر متابعتك لمواضيعي
(قصيدة مدوية بحق)

[سحايب]

الله الله صح ذوقك
جدروووعه لاهنت

[أميرة البنات]

صح لللسسانه

ويسلم راسك ع مانقلت

[ابـومـتعب]

اعجبني ماراق لك واهنيك على هالذائقة الراقيه
يسلم راسك اخوي

[الشاطئ المهجور]

الله يعطيكم العافيه على المرور العذب

تحيتي لكم جميع

[تعبت منك]

مشكوووووور والله يعطيك الف عافيه

[الشاطئ المهجور]

الله يعطيكم العافيه على المرور العذب

تحيتي لكم جميع