[المحيط الهادي]

السلام عليكم .. كيف حالكم . مساكم هيل وشعر
وإليكم هذه المتواضعة آمل ان تنال بعض من رضاكم
.
.

محابيس الطيور اللي على ريح المطر تنساق = حبسها الليل لين الصبح صحاها على بابي
وخلت عشها .. للريح والأغصان والأوراق = الد الشوف فيها والهبائب تذري اترابي
أقلب نظرتي عرض السماء .. وتضيع بالآفاق = أنا ماكني إلا طير فاقد بالسماء اسرابي
على الرجم أترقب والخفوق المتعب الخفاق = ليا تل السبوق أبرقعه (بشتي ) و ( محرابي )
حشمته لو نتائجها على القلب الصخيف افراق = وسترته بالحيا اللي له ثيابٍ تشبه أثيابي
منعته عن مشاوير الطريق اللي بدون أفاق = اخاف أرسم طريقي بالخريطه ويتعدوابي
سنين من السبات ببيت ماله بالخبوت ارواق = تقلبه ( الفصول الأربعة ) في فترة أغيابي
ولفى الحب النزيه اللي دعاه من المنام وفاق = ولاناوي عليه يبات لين تنوخ ركابي
عليك الله ياشعرٍ تغرد حوله الأذواق = لاتتركني لحالي تلعب الأيام بأعصابي
تعبت ولابقالي غير قلب الجافل التواق = هجوج من الظلال ومن نسيم الليل يرتابي
تعاتبني على قل الكلام وندرة الأشواق = وهو مايدري أن الشوق ناره بين الأهدابي
ينام وتسهر عيوني وكن الشوك بالأحداق = وأخاف تحول الدمعه وجفن الصبح يصحابي
وكفكفها على حد الضلوع وللحيا براق = مخاييل العيون اللي تخيله نظرة أحبابي
( خوافقنا خضر ) لو كان مافيها غصن و أوراق = خضر تغري طيور الشوق لو الدم عنابي
وطيري ياطيور وكل قلب لرغبته ينساق = وأنا هذا (هواي) اللي فواتيره من حسابي

الموضوع الأصلي: ( الفصـــــول الأربـــــــعة .. ) | | الكاتب: المحيط الهادي | | المصدر: شبكة بني عبس

[هيون]

صح السانك اهنيك على التميز والابداع
تقبل مروري

[تعبت منك]

صح ااا السانك

[ابوصالح لرشيدي]

صح السانك وبيض الله وجهك على هالقصيده الجزله والمميزه ..
تحياتي لك ..

[احمد منيف]

الله الله يالمحيط

صح الله لسانك

[كاتب الرشيدي]

اقتباس من مشاركة المحيط الهادي السلام عليكم .. كيف حالكم . مساكم هيل وشعر وإليكم هذه المتواضعة آمل ان تنال بعض من رضاكم . . محابيس الطيور اللي على ريح المطر تنساق = حبسها الليل لين الصبح صحاها على بابي وخلت عشها .. للريح والأغصان والأوراق = الد الشوف فيها والهبائب تذري اترابي أقلب نظرتي عرض السماء .. وتضيع بالآفاق = أنا ماكني إلا طير فاقد بالسماء اسرابي على الرجم أترقب والخفوق المتعب الخفاق = ليا تل السبوق أبرقعه (بشتي ) و ( محرابي ) حشمته لو نتائجها على القلب الصخيف افراق = وسترته بالحيا اللي له ثيابٍ تشبه أثيابي منعته عن مشاوير الطريق اللي بدون أفاق = اخاف أرسم طريقي بالخريطه ويتعدوابي سنين من السبات ببيت ماله بالخبوت ارواق = تقلبه ( الفصول الأربعة ) في فترة أغيابي ولفى الحب النزيه اللي دعاه من المنام وفاق = ولاناوي عليه يبات لين تنوخ ركابي عليك الله ياشعرٍ تغرد حوله الأذواق = لاتتركني لحالي تلعب الأيام بأعصابي تعبت ولابقالي غير قلب الجافل التواق = هجوج من الظلال ومن نسيم الليل يرتابي تعاتبني على قل الكلام وندرة الأشواق = وهو مايدري أن الشوق ناره بين الأهدابي ينام وتسهر عيوني وكن الشوك بالأحداق = وأخاف تحول الدمعه وجفن الصبح يصحابي وكفكفها على حد الضلوع وللحيا براق = مخاييل العيون اللي تخيله نظرة أحبابي ( خوافقنا خضر ) لو كان مافيها غصن و أوراق = خضر تغري طيور الشوق لو الدم عنابي وطيري ياطيور وكل قلب لرغبته ينساق = وأنا هذا (هواي) اللي فواتيره من حسابي

عجزت اقتبس من هذه الشامخة لحيث كل بيت يربطه الإبداع بالأخر
الشاعر المحيط الهادي سلمت يدك على كتابة هذا النص الزاخر بالمفردات الجزلة والمعاني الراقية واسلوبك الموسيقي الرائع صح لسانك وعلا شانك وبيض الله وجهك

وسجل إعجابي القديم بشاعريتك الفذة

[عايد2001]

قصيده جزله من شاعر جزل
صح لسانك وبيض الله وجهك

[الخشف]

الله الله يالمحيط

صح الله لسانك