[احساس الشمال]

مستوحش من غيبتك قدلي(اسبوع)
.............يا حيف تنساني وانا ما اقدر انساك
وكل القضيه صوت دافي ومسموع
............. من عبر جوالك وانا اسمع حكاك
كني مابين اضلاعي العوج ملسوع
............. كل ما آتذكر يا المقفي سواياك
الهجر في سلم الاجاويد ممنوع
............. لكن صغير وعاذرك .. ويش دراك !!
قلبي لا كنه يا اريش العين ممزوع
............. مزعة قدم حافي وعاثر بالاشواك
من يوم ما قفيت والدمع ينبوع
.............كنه يتدفق من عيوني ويرجاك
لكن مشيت وصار لشداد مرفوع
............. ولا عاد بك حيله وقفت مطاياك
واصبحت كني خالي العقل مصروع
............. وجف الحكي من قبل لا انطق ولا جاك
شهيتني صوتك .. وجوعتني جوع
............. ويا حالة محبك .. ويا شين فرقاك

الموضوع الأصلي: شهيتني صوتك .. وجوعتني جوع ويا حالة محبك .. ويا شين فرقاك | | الكاتب: احساس الشمال | | المصدر: شبكة بني عبس

[ابوصالح لرشيدي]

صح السان شاعرها وسلمت يد ناقلها ..
راعه دائماً في اختيارك وفي ذوقك ..
تحياتي لك ...

[احساس الشمال]

شاكره مرورك اخوي

[قلبي إماراتي]

صح لسان شاعرها وسلمت أناملك لنقلها لنا
تقبلي ودي واحترامي

[احساس الشمال]

شاكره مرورك اخوي

[احمد منيف]

الله كريم

صح الله لسان شاعرها اختي

[احساس الشمال]

شاكره مروركم جميع

[أثير الشوق]

اختيار روعه ودايما رائعه احساس