[آهــذريــبــك]

ياصاح جنَب لا تجي مرتـع الريـم حاذور من سهم ٍ مع الجـو طايـش سهم ٍ من أقواس الحدق فيـه تسميـم جرحه عميق و يودع الفكـر دايـش يرميه خشف ٍ مـا يهـاب المواثيـم توه صغير السـن بالزيـن شايـش و إلا عنـودٍ تدهـل القلـب و تقيـم ترعى الحشا بين الضلوع المشايـش نجل العيون اللي هدبهـا صواريـم من لاعته ناشه من المـوت نايـش كم فارس ٍ قبلك تجزع مـن الضيـم مطروح لا يقوى و لا هو بـهايـش تعرضن لـه ضامـرات المحازيـم أهـل القـدود المترفـات النشايـش و تبششـن لـه بالثمـان المناظيـم و أثر البلا من عقب هاك البشايـش كم ضحكة ٍ سرت قلـوب الشغاميـم و عقب الهنا و الضحك جرت بلايش هذا الهوى مبداه قطـر ٍ مـن الغيـم و أتلاه أنقع مـن سمـوم الهوايـش و العشق وأهل العشق سقم ومساقيـم و كم واحد ٍ ميت و لو كان عايـش انشد عِلِيـم وخـل عنـك التواهيـم و احذر و لو حاشك من النفس حايش

الموضوع الأصلي: ياصاح جنب لاتجي مرتع الريم ! | | الكاتب: آهــذريــبــك | | المصدر: شبكة بني عبس

[تعبت منك]

مشكوووووور والله يعطيك الف عافيه

[آهــذريــبــك]

عايد عواد , هاني الشويلعي

الف شكر للمروركم وردكم المتواضع !

[سـعود المضيـبري]

صح الله السانك اخووووي

كلمات رااائعه

لانحرمنا منك