[صاطي الرشيدي]

صدفة لقيت الزين وابدالي علوم
في سوق واقف والهواء يطرق الثوب
متحشمة باللباس بين ومعلوم
لاهل الهواء يكشف علامات ولعوب
الصدر بدر وفوقة الدر منظوم
تحتة ذهب ورسوم في صورة قلوب
وصفة غزل بوجهها شكل ورسوم
ومن فوق راسة تاج بالذهب مظروب
العود نبتة موز بالطلع مهظوم
ونهودها مثل الفناجيل مقلوب
خدر العيون اليا انظرت تقل مظلوم
مثل الذي للناس طالب ومطلوب
اليا مشت بشويش ماداني اللهوم
كنها تدور بين الازوال محبوب
راحت للبياع الذهب مير ماتسوم
تقول لو سمحت بغيت مكتوب
قال اسمحي لي خلاص العمل هاليوم
بكرة تعالي اكتب الخط بسلوب
قلت امري يابنت عندي ورق كوم
والي تبين يصير مافية عذروب
قالت يتيمة مالي اخوان وعموم
وابا ابتني بيتن من الحب والطوب
قلت ابشري عندي وابا فرق بالسوم
خوذية وانتي لي خطيبة ومخطوب
تبسمت بعجاب وابدت لي اللوم
يامير كني بين الاظلاع مظروب
قالت تمهل واتصل في ملزوم
واقفيت لاغالب ولاالشوق مغلوب

وسلامتكم


الشاعر / صاطي الرشيدي****** جنرال العرب****

الموضوع الأصلي: يااهل الغزل قصيدة غزلية | | الكاتب: صاطي الرشيدي | | المصدر: شبكة بني عبس

[فواز الدواي]

صح السان شاعرها

ويسلم ناقلها

مغلوب الله الله

[نــواف العويمري]

صح السانك وبيض الله وجهك ياصاطي



تحياتي واحترامي وتقديري

[صاطي الرشيدي]

فواز الدواي اشكرك على المشاركة

نواف العويمري اشكرك يابن عبس

[الرياض]

صخ للسانك وبيض اللة وجهك

[سلطان العايضي]

متحشمة باللباس بين ومعلوم=لاهل الهواء يكشف علامات ولعوب
الصدر بدر وفوقة الدر منظوم =تحتة ذهب ورسوم في صورة قلوب
وصفة غزل بوجهها شكل ورسوم=ومن فوق راسة تاج بالذهب مظروب
العود نبتة موز بالطلع مهظوم=ونهودها مثل الفناجيل مقلوب
خدر العيون اليا انظرت تقل مظلوم=مثل الذي للناس طالب ومطلوب
اليا مشت بشويش ماداني اللهوم=كنها تدور بين الازوال محبوب
راحت للبياع الذهب مير ماتسوم=تقول لو سمحت بغيت مكتوب
قال اسمحي لي خلاص العمل هاليوم=بكرة تعالي اكتب الخط بسلوب
قلت امري يابنت عندي ورق كوم=والي تبين يصير مافية عذروب
قالت يتيمة مالي اخوان وعموم=وابا ابتني بيتن من الحب والطوب
قلت ابشري عندي وابا فرق بالسوم=خوذية وانتي لي خطيبة ومخطوب
تبسمت بعجاب وابدت لي اللوم=يامير كني بين الاظلاع مظروب
قالت تمهل واتصل في ملزوم=واقفيت لاغالب ولاالشوق مغلوب

شكرآلك

[ابوباسم الذيابي]

صح السان شاعرها
وتسلم يمين ناقلها

تحياتي

[صاطي الرشيدي]

سلطان العايضي اشكرك على المرور