[الزعيم..]

هذي قصة معلمة ابوها ربى ولد اخوه اليتيم احسن تربيه .. وزوجه بنته ويوم صار العم على فراش الموت

وصى ولد اخوه ببنته قاله: بنتي أمانه برقبتك ..رد عليه: بنتك بعيوني

ومرت السنين واحتاجوا يشترون بيت فأخذت هالمعلمه قرض وشرت البيت .. ولكن للأسف كتبته بإسمه

ومرت الايام والسنين وقال لها بيوم من الايام بنرمم البيت .. وسكنها بشقه صغيره ..وطلقها وهي ماتدري
بعدين سمعت هالمعلمه انه تزوج عليها وسكن زوجته الجديده ببيته اللي للحين تدفع أقساطه .. وبكل

قساوة قلب قالها ماااااعندي لك شي ولالك شي عندي

انفجعت وتواااالت عليها الامراض وجاها جلطه بالراس ووصت وهي على فراش الموت انه تذكر قصته

بقصيدة

توفيت مقهوره ..

الله يرحمها ويعوضها بالجنه ..

عشرة سنين طويلة روحت في ظرف ساعه
يا خسارة عشرتي ضاعـت مـع راع الرديـه

ويش عذرك يوم ضيعت الوصيـة والوداعـه
الله اكبر كيف نفسك صـارت لظلمـي جريئـه

باع ودي يا أهل الفزعات والنامـوس باعـه
باعنـي مثـل الـردي اللـي نـوى بيعـة خـويـه

ما قويـت أقـاوم دموعـي ولا عنـدي مناعـه
صارت دموعي على خدي مثل وبـل الرزيـه

ويش أسوي بالعشير اللي خذلنـي ياجماعـه
ذلنـي مـن عقـب مــا مـديـت لــه كــفٍ نـديـه

اندفـعـت وليتـنـي رديـــت قـلـبـي وانـدفـاعـه
كان ما شفـت المهونـة والتمـادي والخطيـه

مثّـل الـدور الدرامـي واجتـهـد فـيـه ابـراعـه
أنتج الفيلم الخرافي وأعلن اسم المسرحيه

ضاق في عيني فضاها عقب كبره واتساعه
وانكتب لي حـزن ثانـي قابـل الحسنـه بسيـه

مـا اشتكـى للنـاس لله رأس مالـي القنـاعـه
اشـتـكـي لله رب الــكــون خــــلاق الـبـريــه

ما بقالي في حياتي غير صبري والشجاعـه
اصبر لمـا صـار وعزومـي بعـون الله قويـه

الموضوع الأصلي: عشره سنين طويله روّحت في ظرف ساعه >> قصة وقصيدة مؤلمة | | الكاتب: الزعيم.. | | المصدر: شبكة بني عبس

[ابن اخزيم]

قصه حزينه ومولمة جداا هذاا ليس رجل ولا انسان
ولا يملك قلب ولا مشاعر هذا شخص مريض وبه
عقد نفسيه الله لايوفقه في حياته ولا مماته
لن مثل هذا يجب ان يموت وان لايعيش
لحظه في هذه الحياه
سلمت ع النقل وكتابه القصه الحزينه وهي فيها
حكم وعبره لمن يتعظ
الان المحكمه السعوديه وضعت قانون
ان الرجل والمراة يستطيعون كتابه البيت
باسم الشخصين لكي لاتحدث المشاكل

وشكرراا لك وتقبل تحياتي

[عيسى الصامل]

قهر ولله . .

يعطيك العافيه ’

[الزعيم..]

ابن .. خزيمـ

عيسى الصامل..

أسعدني تواجدكمـ

وتعطيركمـ متصفحي ..

العطر بمروركمـ الرااقي

[خياااله]

الله يرحمهاا والله تقطع القلب ...

[تعبت منك]

يعطيك ااالعافيه

[صقر الـشـمـال]

الله يرحمهاا والله تقطع القلب ...