[ذيبان الرشيدي]

.
.
السالفه ..
عند عايد ..!

دام المسافـه .. بالنظـر سرمديـه =والليل قفـى .. واتبعتـه البـلاوي
سلم على .. غطش الغيـوم النديـه =لازلهفت .. بين الضنـا والرجـاوي
وانصا الذي .. ساق العذر والخطيه = وجانا تمقنا .. محتسي بالدعاوي
رجلٍ.. شرب حلبه مع مرمريه = وافطر على .. كبده وبيض وكلاوي
ثمٍ سهجها .. سهجةٍ عنتريه = وأقفى مدربح .. فوق ددسن عراوي
ثمٍ .. عبطها عبطةٍ رافضيه = لابارك الله .. با الفتوخ الحساوي
جربع قصيدي .. وأستهان الوصيه = وانا الذي شعري .. هباه الخلاوي
فأما يحل .. اشكالنا والقضيه = ويحوفها .. حوف الفريد النداوي
والا نوسقها .. طريق المطيه = والا نخليها .. سوالف قهاوي

.
.
لزوم ..
نعلم الشيخ ابو طوطو بـ السالفه ..

الموضوع الأصلي: كبده .. وبيض وكلاوي ..! | | الكاتب: ذيبان الرشيدي | | المصدر: شبكة بني عبس

[هيون]

صح السانك اي والله لزوم نبلغ الشيخخخخخخخخخخخخخخخخ
مبدع بكل حالاتك تقبل مروري

[دانه]

صح السانك

ان من شفت الكبده والبيض والكلامي قلت فيه احد متبرع للمنتدى بفطور جزاه الله خير وسال لعابي هههههههههه

يعطيك العافيه اخوي

[مسندالعويمري]

اقتباس من مشاركة ذيبان الرشيدي . . السالفه .. عند عايد ..! دام المسافـه .. بالنظـر سرمديـه =والليل قفـى .. واتبعتـه البـلاوي سلم على .. غطش الغيـوم النديـه =لازلهفت .. بين الضنـا والرجـاوي وانصا الذي .. ساق العذر والخطيه = وجانا تمقنا .. محتسي بالدعاوي رجلٍ.. شرب حلبه مع مرمريه = وافطر على .. كبده وبيض وكلاوي ثمٍ سهجها .. سهجةٍ عنتريه = وأقفى مدربح .. فوق ددسن عراوي ثمٍ .. عبطها عبطةٍ رافضيه = لابارك الله .. با الفتوخ الحساوي جربع قصيدي .. وأستهان الوصيه = وانا الذي شعري .. هباه الخلاوي فأما يحل .. اشكالنا والقضيه = ويحوفها .. حوف الفريد النداوي والا نوسقها .. طريق المطيه = والا نخليها .. سوالف قهاوي . . لزوم .. نعلم الشيخ ابو طوطو بـ السالفه ..

الشاعر ذيبان صح السانك ودايم مبدع وحضورك شعري رائع

اسمحلي بهذي المجاراه اتمنى تلقى قبول وتحليل ونقد بنا

كان المسافه يابو ناوي مديه = قلي بها المشوار وش انت ناوي
اليل ونجوم السما السامريه = نبي مع البيدى نجر الخطاوي
ونرفع من الحون الهجيني عذيه = ونخلي الشاوي يراكيه شاوي
والقاضي الي مايحل القضيه = لاعاد تشرحله ضروف ودعاوي
شفني بعد فزعت خوي لخويه = تلحقني الرديان لوم وفتاوي
فزعة شرف ماهي علومن الرديه = وعن الردى مشيي طريقن نحاوي
تحسدني الفرحه قلوبن غبيه = ويبطون ماوصلو سهيل النداوي
اوجزت بعض حروفي البجديه = لكن ياذيبان وش انت ناوي

[البعيد الهادي]

صح الساانك ياذيبان
دائماً تبهرنا بمفرداتك النادره
ابو خالد
صح الساانك على المجاراة الرائعه

[(بحرالكرم)]

صح الالسن شعار مبدعين

[ناصر الرشيدي]

افطرنا فطورٍ دَسِمْ ياذيبان
ههههههههه

صح لسانك شاعر مافيك حيله

/

ابو خالد
يابري حالي من هالمجاراة
صح لسانك جزل يابو خالد

[الخشف]

جربع قصيدي .. وأستهان الوصيه = وانا الذي شعري .. هباه الخلاوي
فأما يحل .. اشكالنا والقضيه = ويحوفها .. حوف الفريد النداوي
والا نوسقها .. طريق المطيه = والا نخليها .. سوالف قهاوي

ما على الذيب من ........ القطاوه
صح السانك
الكبير كبير وانت كبير يا بو ناوي
دام السالفه فيها عايد لا تعليق
اخاف افلس من الكبده ههههههههههه