[عبد الرحمن خضير]

يالله ياللي وان بدينا نبديك=يارب يامنشي ثقيل الخيالي
انت الاله اللي نخافك ونرجيك=وانت الودود اللي عليك اتكالي
المحسن اللي ماتعدد حسانيك=راعي العطا معطي العطايا الجزالي
غافر ذنوب المذنب اللي يناجيك=عشنا بعشك ياعزيز الجلالي
والثانيه ياسيدي مرحبا فيك=حييت يارمز الوفا والمعالي
حييت ياللي تفعل الخير اياديك=شيال حمل سيدي مايشالي
على دروب الخير بانت مساعيك=واكبر دليل المركز اللي قبالي
طابت لك ايامك وطابت لياليك=ورفعت لك البيضا على كل عالي
عبدالرحمن اللي نعزك ونغليك=معزتك بقلوبنا اول وتالي
كم من فقير ومن يتيم يحييك=لاحل لك طاري وجالك مجالي
نسل الحرار اللي بعيده مراميك=ساس الملوك مطوعين الرجالي
يابن الزعيم اللي بطيبه مضريك=وحد جنوب المملكه والشمالي
حقق فعل نادر ولافيه تشكيك=ماحققه عنتر وزيد الهلالي
عبدالعزيز اللي على الخير موصيك=وصية الليث احفظوها عيالي
بالشعر لانوفيه حقه ولا اوفيك=لو استمر اقصد سنين وليالي
واسلم سلمت الله يحفظك ويحميك=في جاه رب كل يوم يسالي
وتمت وصلى الله على خير داعيك=محمد اللي للرساله يسالي

الموضوع الأصلي: الثانيه ياسيدي مرحبا فيك | | الكاتب: عبد الرحمن خضير | | المصدر: شبكة بني عبس

[مسندالعويمري]

عبدالرحمن الخضير

صح لسانك على القصيده

ويستاهل سيدي صاحب السمو الملكي الأمير عبدالرحمن بن عبدالعزيز

يستاهل كل الشكر والثنا والعرفان

[أبونواف]

عبدالرحمن الخضير

صح لسانك على القصيده

ويستاهل سيدي صاحب السمو الملكي الأمير عبدالرحمن بن عبدالعزيز

يستاهل كل الشكر والثنا والعرفان

[عبدالرحمن العويمري]

صح لسانك ابو خضير
والامير عبدالرحمن يستاهل اكثر
:p :p :p :p :p :p :p :p

[عبد الرحمن خضير]

مشكور اخوي مسند العويمري على مرورك وبيض الله وجهك

[عبد الرحمن خضير]

مشكوراخوى ابونواف على مروك يعطيك العا فيه اخوك ابومتعب:p

[نــواف العويمري]

صح السانك

يا عبدالرحمن خضير

قصيده وافيه وجزله
بيض الله وجهك ياعبدالرحمن
سجل مروري وحترامي

[عبد الرحمن خضير]

(( عبدالرحمن العويمري))

مشكور يارعي الوفا وراعي الطيب