[الاشـــعـــل]

إثنا عشر ورده بذمّتْك ياسْعود
وبْذمّة التعليم واللي يديره



وبْذمّة اللي مابيوم ٍ عطا جُود
السّنْتلِيّ الله يعجّلْ مصيره



أرْواح راحتْ واِدْمعتْ عين مضْهود
وآهات أمّ وخيّ حاسوا مِرِيره



معْ حايلْ اللي حِزْنها برْق واِرْعُود
دوّا من الحرّه لحدّ السّعيره



إلْيا متى والوضْع مايتْبعه فُود؟
واِلْيا مِتى والحال دايمْ مِرِيره



واِلْيا مِتى ماينْهضْ الحظّ مقْرود
وِالْيا مِتى الدّيره عذابه بِشِيره؟



ياسْعود خاف مسيّر الريح والنّود
إرْم العقال لحايل ٍ ياأمِيره



إضْربْ بسيف الحقّ واعْدِمْ لنمْرُود
والعدْل تكْفى لاينام بجِفِيره



كثْرت بلاوينا والاسباب موعود
في تجْرة ٍ خلّتْه ينْكِر بدِيره



عاث بفساد ولمْلمْ امْتار وِشْدُود
والمشكله بالكِذْب يِسْمعْ هدِيره

الموضوع الأصلي: إثنا عشر ورده بذمّتْك ياسْعود | | الكاتب: الاشـــعـــل | | المصدر: شبكة بني عبس

[محمد الراشد]

أرْواح راحتْ واِدْمعتْ عين مضْهود
وآهات أمّ وخيّ حاسوا مِرِيره



معْ حايلْ اللي حِزْنها برْق واِرْعُود
دوّا من الحرّه لحدّ السّعيره



إلْيا متى والوضْع مايتْبعه فُود؟
واِلْيا مِتى والحال دايمْ مِرِيره





الاشعل
اول شي حياك الله وابرك الساعات

قرإت القصيده اكثر من مره وباكثر من وسيله


قصيده وافيه جداً لامست احساسينا
واشكرك على حمياك على بنات وطنك وحايل خاصه


الا شعل
بيض الله وجهك
وحياك الله
والله لايريكم مكروه

[إخلاص]

،


الله يرحمهن و يسكنهن فسيح جنانه ،

[ناصر الرشيدي]

صح لسانك وبيض الله وجهك
وحياك الله واهلاً وسهلا فيك

[فضي البراك]

الأشعل

صح لسانك وابداع
رحم الله فقيدات الوطن

والله لا يوريك مكروه

[الاشـــعـــل]

الاقتباس غير متاح حاليا


ابن داموك وخالقك عدل ردك والله مانبض هالمشاعر الا انا


ياخوي ضيقت صدري وخليت اللي قبلك ورديت عليك

[سند الداموك]

حياك الله ياغالي ووصح لسانك واعلتى شأنك مليون

\\

ويعطيك العافيه والعتب على النظر ياغالي
وجزاك الله خير ورحمهن الله

[أنفاس الفجر]

،


الله يرحمهن و يسكنهن فسيح جنانه ،