[محمد بن صبح]

السلام عليكم ورحمة الله و بركاته




إليكم هذه القصيده لشقيقي الشاعر : مطلق بن مرزوق بن مطلق بن صبح العجرمي الرشيدي

والذي يعمل في قوات الواجب في البحريه بالمنطقة الشرقية ( الجبيل)

و كانت مناسبتها عند ما شارك في الحرب ضد الحوثيين

وكان شاعرناً من أحد الافراد العاملين تحت قيادة العقيد صاحب السمو الملكي الأمير : سلطان بن خالد الفيصل حفظه الله



يقول :

بإسم الله الرحمن بإسمه بدينا=بإسم الذي بأمره تهون الصعايب
الوالي الفرد الصمد و المعينا=العالم اللي عنه ما فيه غايب
يا دار يوم ً صحتي إلنا لفينا=جينا لك جنودً نحث الركايب
حنا على حبك نشينا و ربينا=ومن هو يهوز أرضك يشوف العقايب
بإجيوشنا لأهل العداء جاهزينا=ياكم عدو إنحط فوقه نصايب
من شرق جينا بالوفاء طايعينا=بأمر المليك اللي يفك الطلايب
مقدامنا سلطان ذرب اليمينا=سلطان بن خالد عطيب الضرايب
الفارس اللي معه لا من غزينا=نرجع و معنا من المغازي كسايب
أعداه يدحمهم بجنبً متينا=ومن حنكته لا من بدأ الشور صايب
نمشي بطوعه لا حشا ما عصينا=من يوم نادا الكل للصوت جايب
جيناك جينا جنود متسلحينا=جينا جنود مجهزه للحرايب
على الحرايب جيش متدربينا=وإنموت ما نرضاء بطعم الغلايب
إسلاحنا الإشتاير إليا رمينا=ضربه فالأعداء تشوف منه العجايب
و السق ضربه مثل رمحً سنينا=ياما قتلنا به لعين الصلايب
وللبلكان لا و الله لا ما نسينا=خلا قلوب أهل العداء في لهايب
وفي قسم الإستطلاع متمكنينا=نكشف دروب الأرض فوق السحايب
إنحدد جموع العداء الغافلينا=ونرسل عليهم طلق مثل الشهايب
قواتنا الواجب و لا قد خشينا=الا الذي بأمره تصير الوهايب
وياسيدي لا يلحقك شك فينا=حنا لك دروعً بوقت النهايب
حنا حزامك فاللقاء ما إرتخينا=وحنا الدواء لأهل الجروح العطايب
وإختامها يالله تنزل علينا=رحمتك يالله يا مدير الهبايب
وأسألك تنصرنا بنصرً مبينا=وتجعل بيوت أهل العداء في خرايب

الموضوع الأصلي: قصيده الشاعر : مطلق بن صبح أثناء مشاركته في الحرب ضد الحوثيين | | الكاتب: محمد بن صبح | | المصدر: شبكة بني عبس

[آهــذريــبــك]

صح لسان شاعرها

وسلمت ايدي من نقلها !

[المشعل]

صح السان شاعرها
ولاهنت على نقلها ..
تحياتي لك ..

[محمد بن صبح]

أهذريبك


المشعل




مشكورين على مروركم الذي عطر الصفحه

[احمد منيف]

صح الله لسـانك ولسان شاعرها ...

ولا خلا ولاعدم

[احساس الشمال]

صح السان شاعرها
ولاهنت على نقلها ..
تحياتي لك ..

[ابو عايض]

صح السسسانك

ومشكور على النقل