[عبدالعزيز الخياري]

أهدي إليكم هذه القصيده المتواضعه من أحدى قصائدي

توك تذكر من على العالم أغـلاك=توك تجي وتقـول ياشـوق قلـه
مادام خنت اللي من الناس صافاك=وخلى غرامـك دولـةٍ مستقلـه
أعطاك من وده وياكثر ماأعطاك=وغيرك يموت ومنزلك ماوصلـه
يدمح لك الزله وتكثـر خطايـاك=ويـداوي العلـه وترجـع بعلـه
من بعد هذا كيف تبغاني أهـواك؟=وانت الذي مايرفق بحـال خلـه
خلاص ماباقي معي غير ذكراك=حتى أصبحت عندي بقايا مملـه
أوادعك قبـل ابتعـد واتناسـاك=مافيه رجعـه لـوّ دمعـك تهلـه
رح في مشاوير الجفا سير اخطاك=رحله سعيده يالرمـوش المظلـه
عزمت بالفرقـا ولاأريـد لقيـاك=والحب باسبابـك كرهنـاه كلـه
أبعد من النجمه على لمس يمنـاك=شرواي في حلو الحكـي تستغلـه
لاعاد تنشدني وش أسباب فرقاك؟=مافيه إجابـه رح ودربـك تدلـه

أخوكم::عبدالعزيز ابن دحيم الخياري

الموضوع الأصلي: توّك تذكر من على العالم أغــــلاك؟؟ | | الكاتب: عبدالعزيز الخياري | | المصدر: شبكة بني عبس

[الجـــــادل]

صح لسانك ولاهنت اخوي عبدالعزيز ابن دحيم

قصيدة رائعه

تقبل تحيتي

أختك الجادل

[بدر الحشية]

مشكوررررررررررررررر اخووووووووووي
عبد العزيز على النقل ولاهنت

[شاعر وصافي مشاعر]

رح في مشاااااااوير الجفاء سير خطاااااك
رحله سعيده يالرموش ااااااااااالمظله..........
قرااااااااار شديد اللهجه .......... وصح لسااااااااانك اخوي عبدالعزيز على هذه القصيده الراااايعه والاجمل من الراااايعه ,,, وبنتظااااار
جديدك فلا تطيل الغيبه فنحن بنتظاااااااارك....
اخوك : "شاعر وصافي مشاعر"

[صادق الوعد]

صح السانك ابو دحيم على القصيده الرائعه

تقبل تحياتي

[فيصل الرشيدي]

صح لسانك واعتلا شانك


قصيدة في قمة الروعة



ربي يوفقك ويسعدك


ولاتحرمنا جديدك يالغالي

[عبدالعزيز الخياري]

اقتباس من مشاركة الجـــــادل صح لسانك ولاهنت اخوي عبدالعزيز ابن دحيم قصيدة رائعه تقبل تحيتي أختك الجادل

صح بدنك يالجادل


وشكرا لك على مرورك العطر...

[ريم عبس]

صح لسانك مشكور قصيده روعه


ريومه