[الجمره البارده]

لله ياصمت غرد عن كثير الكلام
................وارقا السما واكتب بصدر السحايب أدب

لو ينكتب هالشعوراللي بسرب الحمام
.....................ماكان مثلك عن اسراب الحمام انكتب

لله للي ترك لعبة شعوري حطام
.........................وللحين طفلة خيالي ماكفاها شغب

أحيوا ظنون الصدور ومات طهر الغرام
.................وسقيت نخل السكوت ولانبت به رطب

لو كل حلم يتحقق لانخيت المنام
....................ماكان حال الحقيقه في عيوني صعب

شفهم ملوا كل ماحولي بكثر الزحام
..................وشفني بصمتي مليت أحساسهم بالعتب

وشصار لو زادوا بعين الضرير الظلام !؟؟
.................وشصار لو نادوا الضيقه وصدري رحب ؟؟

والبارحه طار من غصن السوالف ملام
.....................والبوح : نارً من صدور الاوادم تهب

وانا أكبر احلام عمري.. هالمواجع تنام
................وانا اصغر اللي سكن صدري نوايا مُحب

شح الفرح وابتديتك والمشاعر صيام
......................والوقت : ليلً ملى وجه المسافر تعب

ياصمت .. وشعاد لو سمّو (حياك) ... انهزام
..................وانت الجبل لاغدت ريح الحكاوي مهب

يكفي حضورك يشابه بالجفاف الغمام
.....................ويكفيك بعيون فضة هالسوالف ذهب

كن أجمل العمر (صوت) وهـ/ الليالي ركام
................... ولا .. حسوا العابرين بصوت تحت النشب

لله توّي عرفت شلون .. معنى الهدام
...................وانا اكثر اللي بنا سطح الاماني (سبب)


قل للأمل من عقب سهر المواجع ينام
...................ابطى صباح الحياة وكل حلم انشطب !

لو قصدهم باني النور ..لضرير الظلام
...................ماكان خلوني لنار السوالف... حطب !!


ناصر الوبير

الموضوع الأصلي: أنا أكبر احلام عمري.. هالمواجع تنام ~ ق.ش | | الكاتب: الجمره البارده | | المصدر: شبكة بني عبس

[نوماس5]

هالله ذووووووق نايس يسلموو على النقل المميز

[الـريـم]

اختيار رائع

تسلم يمينك

[الجمره البارده]

ربــي يسلمكم


أسعدنــي مروركم الرآئع

[ولد الشرقية]

هدوء المطر
قممممممة في الذوق والانتقاء
شكراً .