[ذبحني غروركـ]

سيرت لأطراف المدينه ومريت
منازل" ما يندرا من نزلها

ما عاد من سكان اهلها ولا بيت
صبغت مبانيها وكثرة حللها

تغيرت من عقب ما غبت وابطيت
لا ذي بشوارعها ولا (أولى) بأهلها

انا أحسب أن علمي بها (تو) واخطيت
وش يردع أيام العمر دون أجلها

سنين من عمري قضت ما توعيت
لمحة بصر دفع البلا ما اعجلها

قرب المشيب وشاب راسي وسجيت
أن السنين تدور والناس تلها

لو أدري أن ذا بيحصل ما تعنيت
انقض جروحي واداوي عللها

كم مرة" لا هزني الشوق ما امسيت
لين اتمثناها واباري فللها

لعيون من ساقت علي وتقهويت
فنجال وله وساقت كف ولها

منوة خفوق" مزعته التناهيت
إلى انتوله الشوق والا انتولها

حفظتها من حكى العرب والشماميت
ومن كلمة" يفرح بها اللي نقلها

لو ما قبلها القلب ما كان حبيت
ولولا نزاهة عرضها ما قبلها

هي داريه ويش السبب يوم قفيت
وذا عوقها والا وش اللي قتلها

تقطعت سبل المواصل وضحيت
وازعلتها وانا اتجنب زعلها

بغيت ادور لي بدلها وعييت
لا اخطي على روحي وادور بدلها

أخترت من جملة قصيدي شطر بيت
ما جارت الفرقا على غير أهلها

وأخترت من بد الحروف وتنقيت
خمسة حروف" نصفها (الميم والها(

تطري علي لا ضاق صدري وسجيت
أن السنين تدور والناس تلها

الموضوع الأصلي: هي داريه ويش السبب يوم قفيت..وذا عوقها والا وش اللي قتلها | | الكاتب: ذبحني غروركـ | | المصدر: شبكة بني عبس

[آلنجم]

صح اللسان شاعرها

[ذبحني غروركـ]

نورت.الله يسعدك

[ناصر الرشيدي]

صح اختيارك
واشهد ان ذائقتك الشعريه راقيه

وصح لسان الشاعر

[ذبحني غروركـ]

وحضورك آرقى ..
نورت لاعدمتك

[راسبه بالحب]

ابيات مميزه بتميز ذوووقك ..


سلمت الايادي ..

[ذبحني غروركـ]

رآسبة بَ الحب
آسعدني وجودج ي بعدي

[الزعيم..]

أبياااات رااائعه ..

لاعدمنا ذووقكــــ