[الشاطئ المهجور]

.. من بغى الفرقا لقى له عذر واسباب ودليل .........

خل عنك العذر والاسباب دام الحب ضاع ...........

كان ودك بالفراق ابشر عسى عمرك طويل ........

لا تردد وانت لك كلمه وامرن مطاع ................

لي عليك انك تبت بكلمتن تشفي الغليل ..............

ولك علي اني لآوقف وقفة الرجل الشجاع .........

لا تجاملني مخافة (قال) مدري خوف (قيل) .. .....

عمر هرج الناس ما يسمن ولا يغني جياع .. .......

كان قصدك سر حبك اوعدك لآصبح بخيل ..........

واحمل اسرارك معي للموت قدر المستطاع .. ....

بس قلها قل ما احبك وابشر بصبرن جميل .........

لا تحسبني مثل من طبعهم لوي الذراع .. .........

صاحبك ما هو كذا يا صاحب القد النحيل .. .......

صاحبك طبعه غريب وغربته غربة طباع ........

فالهوى ما يقبل الحل الوسط ولا القليل ............

مثل ماهو لاشرى يشري وليا من باع باااااع ......

ثابت لو هي تميل الارض تحته ما يميل ...........

يدري ان الفقر ما هو عيب والدنيا متاع ...........

ما عشق لذة حياته كثر عشق المستحيل ............

ولا كره حتى مماته كثر كره الانصياع ............

كم تعلم من شديد البدو وش معنى الرحيل ..........

وكم تعلم من غروب الشمس وش معنى الوداع .....

وكم تعلم من سحاب الصيف وش معنى الحصيل .....

وكم تعلم من ليال البرد وش معنى الضياع ............

ايه انا هذا طريقي (موحش ..وصعب .. وطويل ..) .. ...

وانك لا منك تعبت العالم فجوجه وساع .................

اعتبرني في بداية سكتك عابر سبيل .................

ورح وانا قلبي معك من وين وجهت الشراع .. ........

(,..يكفي اني لا ذكرت في سالفة عشاق قيل ..

عاشر احبابه شجاع .. وفارق احبابه شجاع .,)............؟؟؟؟

منقوووول

الموضوع الأصلي: كان ودك بالفراق ابشر عسى عمرك طويل | | الكاتب: الشاطئ المهجور | | المصدر: شبكة بني عبس

[سيوف بني عبس]

اعتبرني في بداية سكتك عابر سبيل .................

ورح وانا قلبي معك من وين وجهت الشراع
//
صح لسسانه يعطيك العافيه اخوي ع نقل

[المشعل]

صح ذووقك واختيارك
لاهنت ..

[دانه]

يعطيك العافيه علي الاختيار

[نبض المعاني]

الله يعطيك العافيه على حسن الاختيار

[الشاطئ المهجور]

شاكر مرور الجميع

تحيتي لكم

[سعد محمد]

صح لسان الشاعر

أبيات جزلـه

ولاهنت على الأختيار .

[عايض حماد بن عريجه]

ذوق اختيارك يا الشاطئ المهجور
راق لي
وصح لسانك ولسان شاعرها