[أحاسيس]

مساء يزيـح الكآبة________أحبتي .. الكرام ..
مجتمعنا قتل فيني الاماني .. هي كلمات متواضعة
عن فئة بنظري تستحق منا الكثير والكثير ..
يسعدني أن تكون أول ما أصافحكم به هنا في قسم القصيد
كلي أمل أن تنال على شيء من استحسانكم .. وأن يصل إلى مجتمعنا ما يحمله النص من رسائل


____________________((&&&&&&&&&&&&&&&&&&&&&&&))___ __________________________



انا من على الدنيا .. وعيت
ما عمري عن همي .. سليت
ياما تعجبت ..
من الحزن اللي .. بنظرهم
كل ماسمع معاق في .. تمتمهم
وكنت اتسائل ..
ليش انا غير عنهم
أتعبتني .. الأسئلة
ودي اعرف كل شيء .. اجهله
نفس اعرف ..
,,, وش معنى معاق
تعبت وصار همي لا يطاق
وبكل .. براءة ..
,,, قلت يمه وش يعني معاق
وارتسم على ملامحها..
,,, رهبه .. وخوف
وقالت وهي تتعلثم بالحروف
يا .. وليدي ..
باقي .. بدري
اصبر اصبر .. باقي بدري
بكره تكبر .. بكره تدري
قلت طيب ..
,,, ليه انا للحين ما.. امشي
وللي مثلي صار .. يمشي
وعادت .. وهي للحزن تخفي
يا .. وليدي ..
باقي .. بدري
اصبر اصبر .. باقي بدري
بكره تكبر .. بكره تدري
قلت يمه ..
,,, وين .. .. بدري
انا عمري .. عدى ..ست
ولا مشيت ولا .. درست
عندها ..
كانت الصدمة .. عظيمة
كانت .. البسمة .. عقيمة
كانت ... الكلمة ... أليمة
وطاحت على الأرض .. وبكت
تم أسكتت ..
وبصوت خافت .. اهمست
يا .. وليدي ..
إنت ماتملك غير ساق
مثل ماقالوا .. معاق
سمعتها ..
وكانّي من نومي .. صحيت
وكانّي .. أدركت .. ووعيت
أني اللي فيني قضاء وقدر
وراضي بحكمه ولا منه مفر
قلت يمه ... يكفي منّك .. هالدموع
والله اني ما ارضى عجز .. ولاخضوع
والحياه هذي ..
الحياه هذي .. بذل وكفاح
والإعاقة .. هي طريقي للنجاح
واللي يرضى بالقضا دربه فلاح
وياما تصبرت ..
على بعض .. السخافة ..
,, والتفاهة .. واللقافة
كل ما اسمعهم يقولوا ..
شف .. شف .. معاق
مسكين ما عنده غير .. ساق
كانت علي .. مثل .. السهوم
كانت .. تزاورني .. الهموم
اطيح منها .. واتصبر ..وأقوم
وكل همي تحصيل المعارف والعلوم
والله إني.. كم عانيت وصبرت
حتى ... تعلمت ... وكبرت
وبالوظيفة .. فزت وظفرت
وطرا لي .. اليوم همٍ ..جديد
ودي اخطب مثل .. سامي .. ويزيد
وقلت .. قبل لابدا في .. طريقي
ودي ... اسال احمد ... صديقي
عن تقبل مجتمعنا ..
للي مثله .. واللي مثلي ..
صح انا اتكلم ..
بس من غير عكاز ما.. اقدر امشي
واحمد ابكم ..
لكن .. مثل باقي الناس .. يمشي
ومثل ما قالوا .. بلباقة
اللي يجمعنا .. اعاقة
قلت يا احمد .. ابي منك .. استشارة
ودي اخطب .. وش رايك .. بـ سارة
وقام ... يتمتم ... بالاشارة
اسكت .. اسكت
يعلم الله ... كم ... اعاني
مجتمعنا قتل فينا .. الاماني
تصدق ..
تصدق ما زوجوني .. اماني
بس لاني احكي .. بالاشارة
وما قوى على نطق .. العبارة
ورجعت ..اردد ما .. نسيت
انا من على الدنيا .. وعيت
ما عمري عن همي .. سليت



منقول

الموضوع الأصلي: مجتمعنا قتل فيني الاماني ~ | | الكاتب: أحاسيس | | المصدر: شبكة بني عبس

[غربة الروح !!]

ربي يعــطــيك العــآفــيهـ حبيبتي ع نقــل الرائــع

[الزعيم..]

جميل ماااااااطرحتي .

سلمت الاياااااااادي

[أحاسيس]

**غربـــــــــــة الــــــــروح**, شيبوب بن عبس, شاكره مروكم يالغلا

[المشعل]

يعطيك العافيه
وشكراً على مشاعرك الرائعه
ولاهنتِ على النقل الجميل ..

[أحاسيس]

شاكره مرورك يعطيك العافيه

[((همس المشاعر )]

سلمت يدااااااااااااك

[أحاسيس]

شاكره مرورك يالغلا