[سلطان العايضي]

السلام عليكم ورحمة الله وبركاته
اهديلكم هذي القصائد المرثته بصاحب السموالملكي الامير عبدالمجيد بن عبدالعزيزال سعود

أمير مكة نظيف القلب
النقيب عبدالرزاق بن مخلد الذيابي

هز القلم حزن قلبي واستفاض الحبر=واقلبي اللي عليه الهم جمرة وقيد
وادمعي اللي من اسباب الوداع انهمر=على فقيد ولا مثله بوقته فقيد
راح ابو فيصل واخو عبدالله المعتبر=امير مكة نظيف القلب عبدالمجيد
حبه بوسط القلوب الطاهرة مستقر=وفي كل ساعة يضخ القلب حب جديد
مكة تماري بحبه بين كل البشر=وحب المدينة لشخصه مستمر ومديد
تكفيه ثنتين في دنياه تبقى ذخر=وترجح بميزان فضله يوم حشر العبيد
انجز ونفذ مشاريع تسر الصدر=واشرف على توسعة بيت العزيز الحميد
ومسجد رسول الله الهادي رفيع القدر=اهتم بعنايته والله رقيب شهيد
مرحوم ياسيدي ندعي بسر وجهر=وفي جنة الخلد لك مأوى وبيت جويد
ويارب تنبت على قبره ورود وزهر=ويوم القيامة تناديه الشهيد السعيد
ارفع تعازي لمولاي المليك الاغر=وجميع الاسرة وكل الشعب وادعي واعيد
الله يحسن عزاكم ياطويل العمر=ويحسن عزا المملكة في موت عبدالمجيد

عساه في جنة الفردوس
مهدي بن مسفر بن عليان الحبابي

ياالله ياحي يا قيوم ياذا الجلال=يا خالق الكون ما يخفاك غيب الصدور
انت العظيم الذي بيدك عدل الميال=وبيدك تصاريف ذا الدنيا وبأمرك تدور
من بعدها يا هجوس الشعر جالي مجال= اليوم يا هاجسي موقف ولا انت معذور
في موقف الجمل جملني وشد الرحال=انت الخوي الوفي اللي معي ما يبور
خابرك واعرفك ما تأتي بغير الجزال=من فضل ربي وتوفيقه تجي بالبكور
وخابرك ما تذخر الطيب وتوفي الرجال=احقوقهم ياخوي في جميع الامور
واليوم يومك ولا يحتاج طول الجدال=ابغيك تنقل عزاي وما بصدري يدور
للقائد وكافة الاسره على كل حال=اولاد عبدالعزيز بمن نزل فالقبور
عبدالمجيد الفقيد اللي يحقق لأمال=اللي له الكل يشهد صدق من دون زور
اللي عطوف على المحتاج لو قال طال=ومدات جوده وفيه ما لحقه القصور
عساه في جنة الفردوس منزله عال=وقبره من أرياض جناته ويغشاه نور
رحل ولكن حبه ثابت ولا يزال =عند القيادة وعند الشعب مافيه زور

يا والدي عبدالمجيد
عبدالعزيز بن سعيد البراق الثبيتي

الله من حزن طواني ياسعيد =والله من هم على بالي طرى
اكبر مصيبة غيبت عنا الفقيد=فقيدنا الغالي فقيد ام القرى
اكبر مصيبة والخبر عندي اكيد=ان الحزن في قلوب اهل مكة جرى
يا والدي مرحوم يا عبدالمجيد= دعيت لك ربي ويدعي من درى
تبكيك مكة كلهم شيخ ووليد=والطائف دموعه على قمة كرا
وتبكيك جدة حاضر وماضي تليد =من الشعيبة لين توصل لأبحرا
يا سيدي في قلوبنا حبك رصيد=محبتك لا ما تباع وتشترى
حفظت امن بيت الإله بكل حيد=وخدمت حجاجه وعين الله ترى
واليوم وافاك الاجل وانت الشهيد=شهيد مكة باذن خلاق الورى
ومهما نظمت من الخواطر والقصيد=ما اوفيك حقك يالجبين الأزهرا
ما انساك انا يا والدي عبدالمجيد=ادعي لك المولى ويدعي من درى

يا سليل المجد

ساعد بن فرج الشلوي

اتبشر عن وصول اهل الاصول=سيدي عبدالمجيد ابن الاصيل
واعلن المذياع قلنا وش يقول=قالوا انه معلن (ن) عنا الرحيل
وانذهلت وصابني رمح الذهول=حسبنا الخلاق يانعم الوكيل
مالنا غير القناعة والقبول=كم فؤاد (ن) من عنا الدنيا عليل
ياسليل المجد يارمز الفعول=يا مطوع كل صعب ومستحيل
ياقوي البأس يانجل الزحول=ياعريب الساس كساب الجميل
ياسديد الرأي ياسيد العقول=ياكريم المد حراب البخيل
تبكي اطلال المعالم والسهول=ولا مشى من بينها عابر سبيل
والبلاد وشعبها عرض (ن) وطول=تذكرك يا مير جيل (ن) بعد جيل
يا عسا مثواك مع مثوا الرسول=في جنان الخلد والظل الظليل

اخوكم / سلطان العايضي

الموضوع الأصلي: مرثيات بالامير عبدالمجيد رحمه الله | | الكاتب: سلطان العايضي | | المصدر: شبكة بني عبس

[سعد بن عادي]

اسال الله رب العرش العظيم ان يسكن صاحب السمو الملكي الامير الراحل عبد المجيد بن عبد العزيز

فسيح جناته ويطهره من الذنوب والخطايا كما ينقاء الثوب الابيض من الدانس

وحقيقه جميع مايكتب من رثاء عن فقيد الوطن أمر لا يستغرب لما له من مكانه في قلوب الجميع

اجاد الشعراء في قصائدهم المرثيه

بارك الله فيك أخوي سلطان العايضي على تميزك المستمر ونقلك الفريد

وموكبه الحدث أولا با أول

لك منا جزيل الشكر والتقدير

وتم التثبيت


دمتم كما تحبون

[سلطان العايضي]

عسى كتابه يأخذه في يمينه

الحمد للي محيي الأرض من ماه = اللي خلقنا من ترابٍ وطينه
فيما قسم ربي علينا رضيناه =شي مقدّر والمنايا بعينه
مرحوم يا أميرٍ حوى الطيب يمناه = يسهر على الحجاج يخدم لدينه
عبدالمجيد اليوم ناخت مطاياه= والموت حقٍ كلنا واردينه
العاصمة تبكي أميرٍ فقدناه =والدار بعده اشهد انها حزينه
كل الحجاز الحزن خيّم على اجواه = أميرهم قد غاب طويت سنينه
عسى جنان الخلد يارب ملفاه =وعسى كتابه يأخذه في يمينه
يا الله ياللّي كلنا نطلب رضاه =يا منقذٍ وسط البحر للسفينه
تغفر له الزلات وتدمح خطاياه =أنت الكريم ويالله انك تعينه
يالله عسى تكفير يارب ماجاه = ما فيه غيرك يا إلهي عوينه
أنت الذي يارب جزله عطاياه =وعسى القبر ريضان في مدّ عينه

عبدالكريم بن ابراهيم بن خزيّم

[SIZE="5

"]يا أميرنا يا منبع الطيب

[/SIZE]

مرحوم ياللي كنت بالخير مشهود =يا بيرق النخوة ورمز الشهامه
يا أميرنا يا منبع الطيب والجود =يا من غمر كل الملا باحترامه
يا صاحب التقوى ويالشامخ الطود = جعلت لك في كل موقف علامه
مسحت دمعة طفل فرجت عن عود = مرت ليالي ماتهنا منامه
قضيت دين إنسان ما كان بالكود = يعرف معاني لحظة الابتسامة
ويا ما سجين كان في السجن مصفود = جابت مساعيكم وحقق مرامه
مكة عقب فرقاك يا اعز مفقود = على ملامحها الحزن تقل شامه
يا الله ياخالق ومعطي ومعبود = ارحم زعيم المرجله والشهامه
واجعله يوم نجيك في جمع وحشود = في جنة الفردوس يوم القيامه

شعر: عبد الله الطفيلي

أمير أم القرى

يا بوفيصل يا أمير أم القرى = يرحمك ربك عسى قبرك ظلال
يرحمك مولاك من تحت الثرى =ويغفر الزله ويلطف بالسؤال
آه من دمعٍ على خدي جرى =ما ألومه لو جرا دمعي وسال
الحرم والكعبة وغار الحرى =ودعت شهمٍ سعى فيها بكمال
تبكي جده من رحل عنها وسرى = وتبكي الطايف صحاري والجبال
والسعودية بكت مدن وقرى= من جنوب المملكة لأقصى الشمال
يا بو متعب يا دفانا يالذرى =جيت أعزي من رجل خير الرجال
أدعي الله خالقي محصي الورى = يحفظ آل سعود من شر الليال

تباشير... حائل

يا كبر صدمة هالخبر

ياعين هلي دم غير المداميع =وابكي على عبد المجيد الفقيده
يا كبر صدمة هالخبر حين ماذيع = في وسط قلبي شب مثل الوقيده
مرحوم ياللي جمع المجد تجميع =اللي تميز بالصفات الفريده
عز الله ان موته علينا فواجيع =وعلى فراقه حزنت اشيا عديده
الخير والطيبه وبذل المنافيع =واسعاد من يشكي ظروفٍ شديده
جميعها جاها من الفقد ترويع =وأول مع الأيام كانت سعيده
باذن الله انه عقب ذيك المواجيع =يلقى بحياة الاخرة ما يريده
يصير ماشافه طهاره وتبريع =عن الذنوب السالفه والجديده
وانا لو اوصف تطول المواضيع =يا ما وكانت له مواقف مجيده
زينٍ لمن كانوا بجوده مطاميع= كم اسرةٍ عاشت بفضله رغيده
وسقمٍ لمنهو وسط نفسه نوازيع = ليا اغدى السنايع دل ماله نجيده
الحزن والله قطع القلب تقطيع =ولا اظن نفسي في حزنها وحيده
الهم متوزع مع الشعب توزيع =كل بكى راع الصفات الحميده
امير مكه كم بنى من مشاريع =باطهر بقاع الله فعوله سديده
ارثيه والا الموت ماله دوافيع =ولا حقه يساوي بيوت القصيده
صحيح عنده ما اجمعتني مجاميع =لكن عريب الساس عالي رصيده
ومدام نسل مطوع الصعب تطويع =اكيد ماشي في خطاه الرشيده
يالله عسى قبره زهور ومرابيع =وتعطيه بالجنه حياةٍ مديده
وحنا عزانا لمبعدين المراميع =اهل المواقف والفعول الأكيده
عبدالله مسنع هل الميل تسنيع =وسلطان واستكمل جميع البديده
آل السعود كعام كل الطماميع = دامو بعزٍ جعل ربي يزيده
والموت كل ذاق منه القراطيع = سنة من المولى لساير عبيده

سلامة عواد الضوي العنزي

[هداج]

اسال الله رب العرش العظيم ان يسكن صاحب السمو الملكي الامير الراحل عبد المجيد بن عبد العزيز

فسيح جناته ويطهره من الذنوب والخطايا كما ينقاء الثوب الابيض من الدانس


يعطيك العافيه أخوي سلطان العايضي

[صاطي الرشيدي]

مشكور ياسلطان العايضي ورحم امير القلوب الامير عبدالمجيد بن عبدالعزيز وصح للسان الشعراء كفوا وفواء

[بندر الذيابي]

الي جنة الخلد بأذن الله


رجل ترأس الكثير من المدن السعوديه

بذل الكثير وسعي الي الجميل


عليه رحمة الله ووسع الله قبره


لاهنت اخوي سطان الله يعطيك العافيه

[سلطان العايضي]

سعد بن عادي

هداج

صاطي الرشيدي

بندرالذيابي

وفيتوا وكفيتوا على المتابعه لنا باستمرار

[سلطان العايضي]

اقتباس من مشاركة سلطان العايضي عسى كتابه يأخذه في يمينه الحمد للي محيي الأرض من ماه = اللي خلقنا من ترابٍ وطينه فيما قسم ربي علينا رضيناه =شي مقدّر والمنايا بعينه مرحوم يا أميرٍ حوى الطيب يمناه = يسهر على الحجاج يخدم لدينه عبدالمجيد اليوم ناخت مطاياه= والموت حقٍ كلنا واردينه العاصمة تبكي أميرٍ فقدناه =والدار بعده اشهد انها حزينه كل الحجاز الحزن خيّم على اجواه = أميرهم قد غاب طويت سنينه عسى جنان الخلد يارب ملفاه =وعسى كتابه يأخذه في يمينه يا الله ياللّي كلنا نطلب رضاه =يا منقذٍ وسط البحر للسفينه تغفر له الزلات وتدمح خطاياه =أنت الكريم ويالله انك تعينه يالله عسى تكفير يارب ماجاه = ما فيه غيرك يا إلهي عوينه أنت الذي يارب جزله عطاياه =وعسى القبر ريضان في مدّ عينه عبدالكريم بن ابراهيم بن خزيّم [SIZE="5 "]يا أميرنا يا منبع الطيب [/SIZE] مرحوم ياللي كنت بالخير مشهود =يا بيرق النخوة ورمز الشهامه يا أميرنا يا منبع الطيب والجود =يا من غمر كل الملا باحترامه يا صاحب التقوى ويالشامخ الطود = جعلت لك في كل موقف علامه مسحت دمعة طفل فرجت عن عود = مرت ليالي ماتهنا منامه قضيت دين إنسان ما كان بالكود = يعرف معاني لحظة الابتسامة ويا ما سجين كان في السجن مصفود = جابت مساعيكم وحقق مرامه مكة عقب فرقاك يا اعز مفقود = على ملامحها الحزن تقل شامه يا الله ياخالق ومعطي ومعبود = ارحم زعيم المرجله والشهامه واجعله يوم نجيك في جمع وحشود = في جنة الفردوس يوم القيامه شعر: عبد الله الطفيلي أمير أم القرى يا بوفيصل يا أمير أم القرى = يرحمك ربك عسى قبرك ظلال يرحمك مولاك من تحت الثرى =ويغفر الزله ويلطف بالسؤال آه من دمعٍ على خدي جرى =ما ألومه لو جرا دمعي وسال الحرم والكعبة وغار الحرى =ودعت شهمٍ سعى فيها بكمال تبكي جده من رحل عنها وسرى = وتبكي الطايف صحاري والجبال والسعودية بكت مدن وقرى= من جنوب المملكة لأقصى الشمال يا بو متعب يا دفانا يالذرى =جيت أعزي من رجل خير الرجال أدعي الله خالقي محصي الورى = يحفظ آل سعود من شر الليال تباشير... حائل يا كبر صدمة هالخبر ياعين هلي دم غير المداميع =وابكي على عبد المجيد الفقيده يا كبر صدمة هالخبر حين ماذيع = في وسط قلبي شب مثل الوقيده مرحوم ياللي جمع المجد تجميع =اللي تميز بالصفات الفريده عز الله ان موته علينا فواجيع =وعلى فراقه حزنت اشيا عديده الخير والطيبه وبذل المنافيع =واسعاد من يشكي ظروفٍ شديده جميعها جاها من الفقد ترويع =وأول مع الأيام كانت سعيده باذن الله انه عقب ذيك المواجيع =يلقى بحياة الاخرة ما يريده يصير ماشافه طهاره وتبريع =عن الذنوب السالفه والجديده وانا لو اوصف تطول المواضيع =يا ما وكانت له مواقف مجيده زينٍ لمن كانوا بجوده مطاميع= كم اسرةٍ عاشت بفضله رغيده وسقمٍ لمنهو وسط نفسه نوازيع = ليا اغدى السنايع دل ماله نجيده الحزن والله قطع القلب تقطيع =ولا اظن نفسي في حزنها وحيده الهم متوزع مع الشعب توزيع =كل بكى راع الصفات الحميده امير مكه كم بنى من مشاريع =باطهر بقاع الله فعوله سديده ارثيه والا الموت ماله دوافيع =ولا حقه يساوي بيوت القصيده صحيح عنده ما اجمعتني مجاميع =لكن عريب الساس عالي رصيده ومدام نسل مطوع الصعب تطويع =اكيد ماشي في خطاه الرشيده يالله عسى قبره زهور ومرابيع =وتعطيه بالجنه حياةٍ مديده وحنا عزانا لمبعدين المراميع =اهل المواقف والفعول الأكيده عبدالله مسنع هل الميل تسنيع =وسلطان واستكمل جميع البديده آل السعود كعام كل الطماميع = دامو بعزٍ جعل ربي يزيده والموت كل ذاق منه القراطيع = سنة من المولى لساير عبيده سلامة عواد الضوي العنزي

تابع مرثيات الملك عبدالمجيد

ثلاث إمارات جعلها رفيعة

مرحوم يا اللي كل الأنباء تذيعه = اللي نهار السبت تنبيه الأخبار
اللي على الأسرة وشعبه فجيعه = عساه في الفردوس الأعلى عن النار
ابن الإمام اللي حكم بالشريعة =عبدالمجيد الفيصلي واف الاشبار
ثلاث إمارات جعلها رفيعه =ومكة وطيبة ليه محل للأنظار
كم معسر خلاه بأرض وسيعه= وكم من يتيم صار له والد بار
اجبر عزانا في الوفاة المريعه =اللي صداها واصل كل الأقطار
واطلب من اللي كل خلقه تطيعه =لذنوب ابو فيصل رحوم وغفار

نايف بن ذيب بن نايف بن عون

تابع

صدمة خبر

صدمة خبر.. والحزن باللي سمعناه = زوّد على القلب الحزين إنفعاله
البارحه نبكي عزيز فقدناه =واليوم صدمه للوطن في رجاله
حزن الوطن أكبر من أيّة معاناه =يبكي جنوب ودمعةٍ في شماله
كل المناطق تبكي اللي بكيناه =يوم الوطن يبكي فوارس عياله
عبد المجيد اللي رحل ما نسيناه =يبقى وسط حب القلوب اتصاله
تبقى تبوك اللي تعدد مزاياه =ومعها المدينة تفتخر في خصاله
حتى القرى.. وأم القرى في ملاقاه =يا كبر ترديد الفخر في وصاله
مرحوم يا ميرٍ تميز بممشاه =في حي دينه والمواطن سعى له
في حب أبو متعب قضى العمر وأفناه =وفي خدمة بلاده صدق بالرسالة
كم واحدٍ رد العمر له بدنياه = واعتق قصاصه قبل لحظة زواله
أعطى الضعيف اللي ظروفه تقفاه =وضم اليتيم بكل عطف وحنى له
زار المريض بلطف طبعه ووساه =بالرغم من كثر العمل وانشغاله
وحنا ترا من زايد الحزن ننعاه =ننعى كريمٍ ما تعدد أفضاله
يا ليتنا بأرواحنا لو فديناه =يا كثر من يفداه بأغلى عياله
مرحوم يا ميرٍ بكينا لفرقاه =مثله إذا ما غاب منهو بداله
يالله عسى في جنة الخلد مثواه = في عالي الفردوس عالي مجاله

إبراهيم خليف

تابع

الله يرحمك يا عبدالمجيد

يا هاجسي حضر الأفكار وبدع وزيد =خل القريحة تجود وفي عطاها تزود
طرا على الكتابة في كتاب القصيد =قصيدتن جايتن من غيض ماله حدود
مضمون بدعي لها وفاة عبدالمجيد =الله يرحمك يا عبدالمجيد آل سعود
والله يحسن عزا الإسلام في ذا الفقيد =والمملكة والحكومة والشعب والجنود
رحل بعد ما بنا للمجد صرحن تليد =والموت ما يفرق الراعي وذخر الأسود
لو هي على الكيف والله ما رحل من نريد =عبدالعزيز المحنك ثم بعده سعود
وفيصل وخالد هل الوقفه بسيفن حديد =وفهد عما المعتدى فهد سمي الفهود
كرس جهوده الداره حر والأجليد =وعن عرض جاره وداره في المواقف يذود
واليوم في ظل قائدنا بعهدن جديد =أنعاهده كل يوم ولا نخون العهود
يعيش أبو متعب النا في النهار الشديد =عبدالله اللي اليازاد المعادي يزود
عسل لكبد الصديق وسم كبد الضديد =وسلطان ولي عهده عود عين الحسود
معروف بالمدة الجزله ورايه سديد =ونايف وسلمان يا لله جعلهم في الوجود
حكامنا اللي لهم قاله وراين رشيد =للفعل والطيب عدو للمكارم عدود
اللي يحاول يحج ولاب جيبه رصيد =ايساعدونه على أداء الفرض حتى يعود
واللي حداه الزمان وقيده بألف قيد =عنه يفكون كل الشربكة والقيود
الله على ما نقوله من كرمهم شهيد =واليا ومرك الله افعل والخلايق شهود

مهاوش منير الهروال