[ابوعالي الرشيدي]

اولاً السلام عليكم ورحمة الله وبركاته

واليوم جايكم بقصيده واتمنى ان تنال على أعجابكم

وتركم مع القصيده

إذا المراجل لبسـة شمـاغ وعقـال=قـل للعـذارى يلبـسـنّ العمـايـم
ما عاد يفـرق زول حرمـه ورجـال=دام الفعايـل تشبـه البعـض دايـم
المرجلـه مـا هيـب كلمـه وتنقـال=وتروح ما راحـت هبـوب النسايـم
وإلا خشونة صوت أو رفـع الأثقـال=أو رزة صـدور وفـعـل الـزلايـم
ولا هي بعد مفتـاح موتـر وجـوال=وإلا ردى لسـانٍ حديـثـه شتـايـم
المرجله شيمه عـن القيـل والقـال=رفيـع نفـسٍ حـر بالجـو حـايـم
المرجلـه عقـلٍ وزن وزنـه جبـال=ودون العقـل وش فرقنـا والبهايـم
يا مسندي لو مايل الوقت بـي مـال=يا ولـد أبويـه يـا عظيـم العزايـم
يا معرب الجدين مـن العـم والخـال=يا نخـوة المفـزوع وقـت الهزايـم
المرجله يا خوي هـي طولـة البـال=هي العـزم هـي الصبـر فالظلايـم
فيهـا الكـرم عـزه دلـه وفنجـال=فيها الكرامه عن ردى الطبـع شايـم
والدين لامنـه خـذا القلـب منـزال=مشى طريق الحـق وابليـس نايـم
ومن لا عرف ربه في طيـب الحـال=لابـد وقـت الضيـق بالهـم هايـم
حتى صلاتك مـع جماعـات ورجـال=في خيرها يـا خـوي نعـم الغنايـم
ولامن نصف ليلك قم صفـي البـال=يا عظم أجـرك بيـن ساجـد وقايـم
ولا من رفع ربي لـه كـل الأعمـال=حسن الذكـر لا قالـو فـلان صايـم
وخلك شريف القصد يا طيـب الفـال=سـوء المقاصـد فالبيـوت الهدايـم
واحذر تبيع النفس فـي دب الأنـذال=وتتبع خـوي إبليـس راع النمايـم
النفس خيـل لـك إذا كنـت خيّـال=ومن لا قوى نفسـه قوتـه الهزايـم
ولا صرت ما تدري لو يش أنت رجال=والله خسـارة فيـك ذبـح التمـايـم

وسلامة الجميع

دمتو بصحه وعافيه

اخوكم / ابوعالي الرشيدي

منـــــــــــــــــــــــقوووووووووووووول

الموضوع الأصلي: إذا المراجـل لبسـة شمـاغ وعقـال | | الكاتب: ابوعالي الرشيدي | | المصدر: شبكة بني عبس

[أبونواف]

مشكور الشاعر /ابو عالي

على النقل الجميل

[ابوعالي الرشيدي]

ابو نواف الله لايهينك على المرور المتواضع

[ثاري الشنيني]

--------------------------------------------------------------------------------

ابو عالي بيض الله وجهك

على النقل قصيده جزله ورائعه

لكن بودي تذكر شاعرها اذا عنك اي معلومات عنه

تحياتي لك

[سعد بن عادي]

اخوي ابو عالي احسنت النقل القصيده متميزه وجزله

بيض الله وجهك


وجديدك محل اهتمامنا


دمتم كما تحبون

[صاطي الرشيدي]

بيض الله وجهك قصيدة جزلة من شاعر غني عن التعريف

[داري قطر]

بيض الله وجهك ياخوي على هالقصيدة تميزة في اختيارك لها

[الوافي99]

ابو عالي بيض الله وجهك

على النقل قصيده جزله ورائعه