[سحايب]

غـصه بحلق الاسى بـ اخر مواويلي
( جت تسكن بكـاي طفل اعيش بذهوله )
اكبر ويصغـر واغـني له ويبكي لي
( واضمه بحـزن لـين اصير في طـوله )
أسال عـيونه وتشكـي من غـرابيلي
( واقـول فعـل الزمن ويقول : معقوله )
واضمه اكـثر واسولف عن تفاصيلي
( حتى انه يقـول : كثر الدمع وشهوله )
حتى اني احس من قوله طـفح كـيلي
( واجي سحـابة حكي بالكبت مبلولـه )
ياطفـل وش عاد لو مـاكنت من جـيلي
( ومفهومك اصغر من اللي ناوي اقوله )
بصـب من دلـة اهـدابي فـناجيلـي
( واشرح لك اللي حصل وافل مجـدوله )
ياطـفل غـنيت والماضي / مقـابيلي
( ياضحكتي / ضحكتي دمعـات مقتوله )
حـضنتك ابغـاك تسلى في مداهـيلي
( هذا وجرحي كبير وخـفـقتي تـّوله )
حتى وانـا اضمك ابغـى من يناديلـي
( وبحـضنه اطيح لـين يطيح هـملوله )
محـتاج صرخـه تعّـبر عن بهـاذيلي
( ومزن لضمى رغـبتي تنقذني سيوله ) ..
محـتاج وجـهٍ بنـور البدر يضوي لي
( يقتـلبي اللـيل كان ارخى بي سدوله )
ياطفـل أبي شخـص يستوطن مراسيلي
( يشبـه لحـسك ويفرق عنك في زوله )
يضمـني حـب ماهـو بس يبكـي لي
( ويستجـدي شفاي لين تبوح لفصوله )
من يـوم صارت دمـوعي هي مناديلي
( وامـسح بها هم وجـداني وماحـوله )
دنقـّت هذا الصحيح وطحت من حيلي
. ( لـو ان هـذا الكـلام يعـّور بقـوله )
واللي كـتب لي بكـاي بصبحي وليلي
( ماعـاد لي قـلب يقـدر ينقل حـموله )

الموضوع الأصلي: . ياطـفل غـنيت والماضي / مقـابيلي | | الكاتب: سحايب | | المصدر: شبكة بني عبس

[سيوف بني عبس]

قصيده مؤثره

صح لسان شاعرهاا
وتسلم يمنج ع نقل

[كحيلة]

صح الله لسان شاعرها..وتسلم يمينك يالغلا ع النقل الطيب..
مشكووورة..ولاخلا منك ولاعدم يابعدي..

[سحايب]

اقتباس من مشاركة سيوف بني عبس قصيده مؤثره صح لسان شاعرهاا وتسلم يمنج ع نقل

صح بدنك ويسلمك ربي
مشكوره سيوف على مرورك

[سحايب]

اقتباس من مشاركة كحيلة صح الله لسان شاعرها..وتسلم يمينك يالغلا ع النقل الطيب.. مشكووورة..ولاخلا منك ولاعدم يابعدي..

صح بدنك وسلمتي
يعطيك العافيه على مرورك