[افتخر بقولي رشيديه]

صــباح /~ مساء الورد والياسمين
عليكم جميعا








دانه : يمه بنام واللي يسلمج قعديني الساعه 4 العصر بطلع مع ساره رفيجتي .... !




الام : حاضر حبيبتي !!



-----
في بيت اخر منيره تقول لاختها



منيره : مريم حبيبتي بعد شوي روحي المكتبه واشتري لي اغراض المدرسه !!



مريم : اوكي يصير خير



----
احمد : يبه سيارتي خربانه ياريت تخلي احد يوديها ورشه وييصلحها




الاب: انشاءالله ياوليدي




...........
والموقف اللي يصير داييم
منار : ميري وين ملابسي ؟ وين جنطتي ؟ وين كيسي اللي جبته من السووق ؟



{ميري ياميري كل شئ عليها
ياحياتي يا ميري }








((المسؤليه ...!




الحين منتشره هاذي العاده او هالطبع .. الخ تختلف المسميات بس النتيجه وحده



مافي تحمل للمسؤوليه سواء شباب او بنات ...!




يمكن في شخص يسأل نفسه؟



= هل المسؤوليه بس اني اقوم الصبح بنفسي ؟



= هل المسؤوليه بس اني اروح اشتري اغراضي بنفسي ؟



= هل المسؤوليه بس اني اسوي كل شيء احتاجه بدون لا اطلب مساعدة احد ؟




لا طبعا ....!



البني ادم مسؤول عن كل شيء يخصه يعني حتى بكتاب الله ذكر رب العالمين اهميه انه



الناس تتحمل مسؤوليه الامور اللي تخصها ومن هلاشيااء (( الحواس ))



يعني انا مسؤوله عن الاشياء الي اشوفها وراح اتحاسب عليها



انا مسؤوله عن كل شي شفته و لمسته و حسيت فيه .. الخ




هذي المسؤوليه من جانب معين ... ما يصير نغفل عنه لانه مهم




من جانب ثاني لو بتكلم شوي عن واقعنا وحياتنا اللي نعيشهااا



جم بنت وجم ولد ما عندهم شيء بقاموسهم اسمه اعتمد على نفسي



كل شيء على الشخص الكبير ( الاب ، الام ، الخاله ، الجد ..



واذا بصير واقعيه اكثر بقول الخدامه )



زين انا بعطي احتمالات مثلاا : غاب هالشخص اللي انت يا فلان معتمد عليه



شنو راح تسوي بهالحاله ؟؟؟



توقف الدنيا



توقف شغلك ؟ تعطل حياتك ؟ ما تسوي واجبااتك ؟؟



تنطر هالشخص يرد مثلاا ...!؟



-----



= جم واحد\وحده فينا امه\امها ولا ابوه\ابوها هم اللي يقعدونه\يقعدونها الصبح عشان الدوام ...؟



= جم واحد\وحده فينا الخدامه هي اللي تسوي له \لها كل شيء .....؟



= جم وحده فينا تساعد امها بالمطبخ كل يوم ....؟






طبعا انا ما اعمم بهالموضوع لانه الناس اطباعها مختلفه بس



ليش ؟؟ شنو السبب ؟؟ شنو الاشيااء اللي ساعدت وخلتنا نوصل لهذي المرحله



من التبلد والكسل والاتكاليه ؟؟



اعتقد انه في اشيااء ساعدت على هالشيء



قد يكون السبب :



الرفاهيه اللي عايشين فيها والترف الزايد عن حده !!



الدلع والدلال ...




الفكره اللي حبيت اوصلها او الهدف انه لازم نصحى ونعتمد شوي على انفسنا



مو كل شيء بهالدنيا على غيرناا مو كل شيء ضاامن او ضامنه انه فلان او فلانه راح يسويه بدالي



ليش انت وانتي وين دوركم ؟؟



-------



لو بطلق العنان حق خيالي وبتصور لو احنا مو جذي او حالتنا موجذي



يعني احنا مجتمع نتحمل مسؤوليتنا نسوي واجباتناا بنفسنا



كل انسان يسوي اموره الشخصيه بنفسه شنو راح يصير ؟؟





= اعتقد بيزيد التعاون !! بتقولون شلون يصير تعاون وانتي تقولين كل واحد يعتمد على نفسه



ايي نعم بيصير تعاون لانه راح يحس الانسان بتعب غيره ويقوم يساعده !!



بس لما انا مكتفه ايدي وقاعده رجل على رجل طبيعي ماراح احس بمشاعر هلانسان اللي يسوي



كل شغلي وانا قاعده وتامر واطلب كل شئ ونا قاعده !!



= راح تزيد ثقتنا بأنفسنا !! لاني بعرف من خلال الاشيااء اللي اسويها اني اعرف امور كثيره



يمكن اكون غافله عنها وانا مو قاعده اقوم فيها عشان جذي مادري اني اقدر اسويها




= بما ان الانسان قاعد يتحمل مسؤوليه نفسه عمره ماراح يكون عاله على غيره



وراح يقدر يكتشف شغلات عمره ما عرفها عن نفسه وبيحس بقيمة نفسه اكثر ..!





اسفه على الاطاله



اتمنى انه النقاش يكون مفيد

الموضوع الأصلي: يمه ... قعدني الصبح .. ميري غسلي ملابسي | | الكاتب: افتخر بقولي رشيديه | | المصدر: شبكة بني عبس

[كاتب الرشيدي]

صحيح الأعتماد على النفس والثقة بالنفس مطلوبة

تسجيل حضور

شكرا لك على هذا الطرح الهادف

[افتخر بقولي رشيديه]

الشكر لك وهذا واجبي



شكرا لتواجدك الرائع