[سحايب]

بشويش ياليل المعاناة بشويش

صدر المفارق توجعه جرّة الناي

البوح وعروق الفرح بي معاطيش

يخنق نفس حرفي ويزفر ببلواي

ياليل لوخاب الرجا ساعة الطيش

ماخاب في السامي شموخه من الجاي

واليوم ماباقي من اللي مضى ليش

تسترجع اللي كان له في حناياي

جيته وأنا متحدين كل تهميش

من حظي اللي ينتظر بحة بْكاي

مثل العقاب ولا حسبت الخفافيش

اللي تدور في ظلامي عن أخطاي

جيته وأنا لي خافقِ ٍ وده يْعيش

حبٍ سحابه تنتشي منه دنياي

ورجعت أجر أذيال خيبة دراويش

حسراتها تشره على هقوة خْطاي

واليوم ماهي لحية سلوم تطنيش

وآخيل في وجه المقابيل رجواي

لاوالله ألاّ ناكر الملح والعيش

ودعته اللي جابه أقسى خطاياي

الموضوع الأصلي: مثل العقاب ولا حسبت الخفافيش // اللي تدور في ظلامي عن اخطاي | | الكاتب: سحايب | | المصدر: شبكة بني عبس

[الـريـم]

الله الله ..

راقي دوما بطرحك ..

يعطيك العافيه ..

[سحايب]

وانت ارقى ^ـــ^!!!
مشكوره عل مرورك لاهنتي

[عايد2001]

صح السان شاعرها
والف شكر على الذوق الرائع

[سحايب]

اقتباس من مشاركة عايد2001 صح السان شاعرها والف شكر على الذوق الرائع

صح بدنك عايد والعفو
اسعدني مرورك لاهنت