[الفجواني]

بسم الله الرحمن الرحيم

ياكثرهم .. لا قلت لك .. عرفة وجيه
وياقلهم .. لا قلت .. قدر ومعزه
رجلٍ .. تعزه بعد ماتلتقي .. فيه
ورجلٍ .. قبل ماتلتقي به .. تعزه
ورجلٍ .. ترزه بالمجالس مباديه
ورجلٍ .. فلوسه بالمجالس ترزه
.. ورجلٍ يموت ولا يجيبون طاريه
ورجل ٍ .. يجي طاريه في كل حزه
ورجلٍ يهزه .. بعض موقف ويشقيه
ورجلٍ .. مهوب أيّات موقف يهزه
ورجلٍ .. ضعيف .. ويستفزه معاديه
ورجلٍ .. كلام اعداه .. مايستفزه
ورجلٍ .. تلزه يعترف لك بخافيه
ورجلٍ .. على خافيه .. محدٍ يلزه
ورجلٍ .. يوزونه .. ويزعل بنيخيه
ورجلٍ .. يزعّل من يحاول ، يوزه
ورجلٍ .. تكزه لازم انك توصيه
ورجلٍ .. بليّا ما توصيه .. كزه
من لا فرش .. للمرجله ماتغطيه
ومن لايخز .. الناس .. محدٍ يخزه
ان كنت تعرفني فهي .. عرفة وجيه
مو شرط لك بالقلب قدر .. ومعزه

وسلامتكم ... مما راق لي للشاعر خلف المشعان

الموضوع الأصلي: ورجلٍ ترزه بالمجالس مباديه .... ورجلٍ فلوسه بالمجالس ترده | | الكاتب: الفجواني | | المصدر: شبكة بني عبس

[ẪβǾǿǾĎ]

مشكور على النقل

[كحيلة]

ورجلٍ .. تكزه لازم انك توصيه ورجلٍ .. بليّا ما توصيه .. كزه

الله يسلمك..
صح الله لسان خلف بن مشعان..وتسلم يالفجواني ع النقل الطيب..
مشكووور..ولاخلاولاعدم..

[احمد منيف]

من لا فرش .. للمرجله ماتغطيه ومن لايخز .. الناس .. محدٍ يخزه

صح الله لسـان شاعرها ..

وتسلم اخوي ع النقل الطيب ..

لاخلا ولاعدم يابعدي ...

[الفجواني]

يالله انك تحيي هالوجيه وهالنكات .. الله يسلمكم من عذابه .. وصحت ابدانكم عنه مروركم دايم مشرف صفحتي