[بدر الحشية]

يا مل عيـنٍ فـي محاجيرهـا شـوك=والقلـب بـه عـن لـذة النـوم تكـاك
لا دك فـي قلبـي مـن الهـم داكـوك=جاوبت طربات الحمايـم علـى الـراك
عزي لحالك يـا عزيـز وأنـا ابـوك=كان الزمـان اللـي توطانـي توطـاك
إفهم وصاتي يـا عزيـز وأنـا ابـوك=دامـك صغيـر وغايـة العلـم يقـراك
تـراه مـا ينفعـك خالـك ولا أخـوك=لا صار مـا تقضـي لزومـك بيمنـاك
وربعك ليا بـان الخلـل فيـك عافـوك=أقرب قريب ٍ لك مـن النـاس يشنـاك
إن كثر مالك صدقـواّ لـك وطاعـوك=وإن قـل مـا بيديـك شانـت حلايـاك
لو تطلب الما عندهم كـان مـا أسقـوك=إبعد مـزارك عـن وطنهـم ومربـاك
وإن طاب حظك صدقـوّا لـك وحبـوك=وإن بار كلن مـا يبـي غيـر فرقـاك
وإلا إعترض لك من صروف النيا صوك=كلـن تبـرا منـك مـاهـوب ويــاك
هراجـة المجلـس إلـىـيـت وروك=منـازل ٍ تطـرب نظيـرك بدنـيـاك
وإلـلا قضـى منـك اللـوازم وخلـوك=تفرقوا وأنـت إحتمـل كـل مـا جـاك
كنـك سـراج البيـت للنـور شبـوّك=وإلى إنقضى اللازم حدا الربـع طفـاك
وألا كمـا ليمونـة الحمـض مصـوك=وإلا قضـى منهـا الطعـم فرغـوا ذاك
واللي يجي من رفقتـه ريـب وشكـوك=إحذر عنـه ليـاك تصـدف بمسـراك
وإلا جفوك أهـل الوطـن وإستخفـوك=قلّـع غريسـك منـه وإهـدم ركايـاك
تراك لو تنجع علـى الربـع صعلـوك=أحسن من اللـي نلتجـي بـه وياطـاك
عطهـم وضيفهـم إلا منـهـم جــوك=وإغلـق ضميـرك لا تعلـم بقصيـاك
إن طبت ما حبوّك وإن عبـت زالـوك=تمضـي حياتـك ناقـل ٍ داك بـريـاك
وإلى نفـوك إمـن الوظيفـه وعافـوك=خفـتّ موازينـك وكـلـن تهـقـواك
وإصحى لخـلان الرخـا لـو تغالـوك=إعرف ترى أطيبهم إلى إحتجت يجفـاك
كنك خـوي مقيـط دهـووك وأغـووك=وحقك عطاك رشـاك وأقفـى وخـلاك
وإحذر عن العلة ترى الحـق مـدروك=مثل العمـل يدركـك مـا منـه فكـاك
وإن كان عدوانك على الضيـق حـدوك=فإخصـم طلابتهـم بعجفـاك وقــداك
وإن كانهـم لمشـرّف الحـق ماشـوك=ناظـر مطاليـع الفـرج قبـل مبـداك
وإن طاوعوا شيطان الأنفـس وهانـوك=فإصبر على البلـوى ودفنـك رزايـاك
زرهـم تـراك إليـا تونـيـت زاروك=إن ما بديـت لصاحـب السـو يبـداك
ما دامهم مـا طاوعـوا لـك وعرفـوك=إضرب على الكايد إلى عمسـت ريـاك
لو هذبوك إمـن المصـاوب وضـدوك=مـا يذبحونـك قبـل تدنـي منـايـاك
وإحلم على الجاهل ترى الحلم مبـروك=وقم للضعيف اللي مـن الظيـم ينخـاك
وإدمح خطاجيـران بيتـك إلـى أوذوك=ترى القصير وحرمـة الجـار بحمـاك
عطهـم لـوازم حقهـم لـو تنـاسـوك=في كـل مـا يصلـح لدينـك ودنيـاك
وقم للضيوف اللي لفوا لـك وضافـوك=أغلـى كرامتهـم حجاجـك وبشـراك
وإعرف ترا مالك للأضيـاف مشـروك=لولاه يطلب حاجتـه منـك مـا جـاك
وقم للرجال إن رايعـوا لـك وحبـوك=وإحشم خويـك وأكرمـه عنـد ملفـاك
وإلى إعتبـرت بسيـرة النـاس كفـوك=ما كثر مـن شـي أتعبـك ثـم عنـاّك
ولـولا تبـات بهـمّ دنيـاك مظـنـوك=ما طاب لك مـا دام لـك وإفتهـم ذاك
لو يطلبون إخفايك النـاس مـا أخفـوك=الرجل مثل النجـم فـي كـل الأفـلاك
وصـلاة ربـي عـدّ الأوراق والشـوك=أو نـاض بـراق ٍ ومـا هـل سفـاك
على الذي ما فيـه ريـب ٍ ولا شكـوك=امحمـد ٍ مــا دك بالقـلـب دكــاك

للشاعر :: سليمان الشريم

الموضوع الأصلي: يامل عين في محاجيرها شوك | | الكاتب: بدر الحشية | | المصدر: شبكة بني عبس

[عبسيه كويتيه]

يسلموووو خيو بدر على القصيده الروعه

[شاعر وصافي مشاعر]

مشكووووووووووووووووور اخوي بدر على النقل ويعطيك الف عااااااااااااااااااااااااااااااااااااافيه.....

اخوك: شاعر وصافي مشاعر.

[بدر الحشية]

عبسية كويتية
شاعر وصافي مشاعر
مشكورين على المرور الرائع ولاهنتم

[الجـــــادل]

صح احساسك اخوي بدر

وصح الله لسان شاعرها

دمت بود

أختك الجادل

[بدر الحشية]

اقتباس من مشاركة الجـــــادل صح احساسك اخوي بدر وصح الله لسان شاعرها دمت بود أختك الجادل

مشكورة على مرورك العذب اختي الجادل

[صقر عبس]

تحيااااااااااااااااااااااااااااااااااااااااتي يالحشية

[صادق الوعد]

مشكور بدر على النقل وصح السانك والسان الشاعر سليمان الشريم

تقبل خالص تحياتي