[الوافي 100]

قال ابو حكم::

لقفلنا المـلـقوف يـــوم انلــقـفنـا---- حتى غدينا كلـبونـا مــلاقيــف
أناطح الحذفـات لـيــن انحـذفـنا---- والله منعنا من كبار الحواذيـف
ياما من بحور التجارب غرفنا---- يوم انها تقصر ايدين الغواريف
بعض الحرافه كلها من طرفنا---- تهولت منها عـقــول الحواريف
تدرأ مواقـفـنا معــزة شــرفــنا---- معــاد نرقى في علو المشـاريف
الا ليا بانـت علــينــا وقــفـــنا-- يوم الردي تصعب عليه المواقيف
حنا الرجال اللي نحقق هدفـنا--- خصيمنا يقعد على شارب السيف
اما رقـدنا بعــزنا والتحــفــنا--- والا تصـافــقـنا هبوب الشفاشـيـف
ماحدٍ امحـلفـنا لو انا حلـفـنـا-- وين السعه لا شبـت الــنار باللـيـف
تاريخنا يبقى لتالي سـلــفنــا--- ونفطم على الفرقى قـلوب مواليـف

الموضوع الأصلي: قال الشاعر عبد الحكيم عبدالله الرشيدي | | الكاتب: الوافي 100 | | المصدر: شبكة بني عبس

[ناصر الرشيدي]

ونعم وصح لسانه

شكراً على النقل

[احمد منيف]

صح الله لســـــان شاعرها ..

تسلم اخوي ع النقل ..

[كحيلة]

صح الله لسان شاعرها..وتسلم أخوي الوافي ع النقل الطيب..
لاخلا ولاعدم..

[الوافي 100]

شكرا على المرور وبيض الله وجيهكم

[سيوف بني عبس]

صح لسااانه وتسلم ع النقل اخي الكريم