[آهــذريــبــك]

قصيده للشاعر الكبير عبد الله بن نايف بن عون

يارعـي الغـر العـذاب المباهيـش

رش الكبود اليابسـه عـن عطشهـا

دنق على وطمن الـراس بشويـش

وأحي العـروق الذابلـه وانتعشهـا

حبك ينهش ثومـة القلـب تنهيـش

نهش الحنيش لعرش رجـلٍ نهشهـا

اهل الهوى في سجن غيك دراويـش

وقلوبهـم وجلانـه مـن دهشـهـا

من ذاق من خمر السوالف بخاشيش

يبطـي وروحـه معتلقهـا بلشـهـا

ولا تسمتمع في هل الحكا والوشاويش

نـاس انقيلـي النمـايـم دبشـهـا

يا خشف ريم ذار واوحى شوابيـش

بدوٍ طلـوع الشمـس ذاره وغشهـا

والعين عين اللي جسر عقب توحيش

اميـر بيتـي الـحـرار اوحشـهـا

طرح الشبك مـا قلبـوه الطواريـش

ولا قرنسوه أهل العشش في اعششها

وحش وجاي مـن بعيـد المناطيـش

عوق الخريش اللي طيـاره خرشهـا

لا قام ياخذ من طرف ريشها ريـش

واليـا قضـا لعبـه عليهـا لكشهـا

جابوه من عين الشمـال الهماميـش

ابرك لهـادي طرشـةٍ قـد طرشهـا

جابـوه لمثمـن طويـل المطاريـش

شيخ قوانيـن العـرب مـا دغشهـا

محمد عشيـر منثضـات العكاريـش

نجل العيـون اللـي مـلاح بهشهـا

ومهـدي للـي براسـه نغامـيـش

لا شوشت حيـاة الأرض وحنشهـا

محمـد مقابـل قاصـده بالتباهيـش

وملفي الرجال اللي جميلـه غطشهـا

ودايـم وبيتـه مدهـل للمداغيـش

وكم روح معسـورٍ بجـوده نعشهـا

لا يبعد نـاس تكبـر علـى ويـش

لا شافت الناصـي تلـوت خششهـا

لو يملكون أرقـام الأمـوال حتيـش

در الحمـاره دوب يكفـي جحشهـا

وروس الظبا ماذكر فيهـا عراميـش

لو هي على الزيلـه كبـار شوشهـا

وسلامتكم

الموضوع الأصلي: " حبك ينهش ثومـة القلـب تنهيـش " | | الكاتب: آهــذريــبــك | | المصدر: شبكة بني عبس

[سيوف بني عبس]

صح لسانه
ويعطيك العافيه ع نقل

[سعد محمد]

وانت سالم غانم


صح لسانه أبيات جزلـه

كل الشكر لك ’’’

[احمد منيف]

حبك ينهش ثومـة القلـب تنهيـش نهش الحنيش لعرش رجـلٍ نهشهـا

صح الله لسـان الشاعر الكبير { عبدالله بن عون }

وتسلم اخوي اهذريبـك ع النقل الطيب :)

[كحيلة]

صح الله لسان الشاعر الكبير عبدالله بن عون العتيبي..وتسلم يمينك ع النقل الرووووعة..
مشكووور..ولاخلا ولاعدم..

[آهــذريــبــك]

الف شكر لكم على الردود

والله يعطيكم العافيه !

[مذهله]

سلمت يمينك كلمات رائعه


لاهنت ع النقل

[مرزوق العجوني]

صح لسان شاعرها ولا هنت على النقل الرائع