[متعب العطاوي]

السلام عليكم ورحمه الله وبركاته

للتواصل

قال الذي ماضي حياتـه تجـاريـب=جـرب جميع الـوقـت حلـوه ومـره
من عايش الدنيا يشوف التعاجيـب=ويـاخـذ عبـر ودروس ممـا يمـره
نصيحتـي للـي يعـرف المـواجيـب=ويعمـل على المعـروف جهره وسره
إلى فعلـت الطيب لا تنتظـر طيـب=لا تنتظـر غيـر الرداء والمضـره
مهما تجمًل فأكثر النـاس وتطيـب=لو صـرت مأنـت بخير ممـا يسـره
إن كان يرجي فزعتك فعـلك مصيـب=لـوتكسحــه تسعيـن مليـون مـره
والى اغتنى كلك عيـوب وعذاريـب=ولا لك مـن المعـروف مثقـال ذره
تبغى الصحيح وتقطع الشك والريب=ياطيـب مـن كافـاك خيـره وشـره

الشاعر:متعب العطاوي

الموضوع الأصلي: إلى فعلـت الطيب لا تنتظـر طيـب..!! | | الكاتب: متعب العطاوي | | المصدر: شبكة بني عبس

[سعد محمد]

صح لسانك أبيات جزلـه

ولا عدمناك يا متعب العطاوي .

ننتظر جديدك بكل شوق ,

[متعب العطاوي]

الفجر البعيد:صح بدنك

لاهنت على المرور

ودي وتقديري لك

[فايزة الرشيدي]

صح السانك 00000000000000000000

على الطرح المميز

[فواز الدواي]

متعب العطاوي حياك بشبكة بني عـــــــــــــــبس

اولا وثــــــــــــــــــــانـــــــــــــــــــــيا صح الـــــــسانك

ونعم فيك يالعطاوي ونعم الحموله دمت بكل خير

[بووهيب العويمري]

ا خوي العطاوي / صح الله لسانك وبيض الله وجهك الشهاده لله اشهد بالله انها قصيده من اروع ماقريت لله درك

[بن هادي الرشيدي]

صح لسانك ملايين يامتعب على هذا الإبداع منقطع النظير .

[ناصر الرشيدي]

صح لسانك
قصيده رائعه يكسوها بالجمال

سأتابع طرحك كل حين