[احساس الشمال]

السلام عليكم ورحمة الله وبركاته

قال تعالى (الابذكرالله تطمئن القلوب)
بصراحه مدري شلون ادش بالموضوع
لانكم مثل ماتعرفون
ان احساس ماعندها سالفه بصنع المقدمات والفلسفه الزايد ه
المهم و الله الليله وانا جالسه مع هلي
ناظرت وشفت شغالة اخوي قدام وجهي
وطرت على بالي فكره
ياترى اهي تقرا القران
يعني بصراحه ماعمري شفت معاها مصحف
سألتها قلت يا،،،،،،،،،،،، طبعا حقوق اسمها محفوظه
انتي عندك قران
قالت لي لا
والله انصدمت لها اكثرمن سنتين عندنا وماقرأت القرأن
والسبب يمكن يرجع لنا بصراحه لأن نحنا ماأنتبهنا لها الموضوع
وسألتها اذهي تقرا القرأن مثلنا يعني باللغه العربيه
لاني بصراحه ماعندي معلومات عن هالشي
تخليو طلعت تعرف تقرا عربي وسألتها يعني شلون تعرفي عربي؟
قالت انهم ببلدها اللي هو اندونيسيا تعلموا لقرأن عربي
وقمت وعطيتها مصحف
وخليتها تقرا وشفت انها تعرف
بس والله تفأجأت لما عرفت انها من سنين مامسكت القران
المهم اللي ابيه من هالموضوع ان نحنا نتناقش وكل واحد يشوف شغالتهم اذا تقرا او لا
لانو المفروض نحنا مسؤلين نوعيهم ونفهم دام انهم داخل بيوتنا

الموضوع الأصلي: في بيتنا شخص لايقرأالقران ،خ،ق،الحصريات | | الكاتب: احساس الشمال | | المصدر: شبكة بني عبس

[حنان الرشيدي]

جزاك الله خير ع اللي سويتيه ..
أحنا ما عندنا شغالة بس شغالة خالتو لو تشوفين
حالها مع القرآن تشفقين على حالنا أحنا ..!
عندها مصحفين واحد صغير معها طول الوقت ..
و الثاني بالحجم العادي موجود بغرفتها ..
و تختم القرآن خلال السنه أكثر من 30 مره ..!
ما شاء الله لا قوة إلا بالله ..
يعني بدال ما أحنا نعلمها صرنا نتعلم منها و نحاول نوصل
لـ ربع إللي وصلت له من التعلق بالقرآن !
أسأل الله أن يثبتها و يرزقنا حب كتابه .
:
الله يعطيكِ العافية .

[احساس الشمال]

شاكره مرورك يالغلا
وربي يثبت الجميع
ويرزقنا التعلق بكتابه يارب

[سند الداموك]

يعطيك العافيه إحساس

والله إحنا عندنا شغالتين وحده مسلمه والثانيه واللي مدري أيش ديانتها ولكن الوالده الله يحفظها دائما تنصحها

وأشوفها تصوم لكن قرآن ماتقرأ نهائيا

ويعطيك العافيه

[أحاسيس]

احنا ماعندنا شغاله الله يعطيك العافيه على الطرح رائعه والمهم

[الضرغام]

الله يعافيك على هذا الطرح الجميل

... انا ما عندي شغاله .. وان نشاء الله ما جيبها ...

[احساس الشمال]

شاكره مرور الجميع

[بندر الشويلع]

الله يعطيك العافيه.....