[الشاعر ابوسعود]

السلام عليكم ورحمت الله وبركاته

هذه القصيده موجه لشاعر /راشد المضيبري الرشيدى
من الشاعر //مربح سعودالرشيدي

واليكم القصيده//



سلام ياوجه اسعد وتباشير
نسل القروم اهل الوجيه السفيره
ياساس ناسن ينطحون المغاوير
عيال عبس اهل السيوف الشطيره
راشد محمد له معزه وتقدير
له عندنا بطيب علمن وسيره
من شاعرن ماعجزته التعابير
يوم كلن يفتخر بتعبيره
لهاض قلبه صور القاف تصوير
ياخذ من ابحور القواف الغزيره
ماهيضنه حب بيض الغنادير
لاولعن نار الغلى فى ضميره
لاكن شعنه حب وضحن مغاتير
ولع بجوفه ياسنافى سعيره
يمشي وراهن لو تطول المشاوير
مرتاح باله لو عضامه كسيره
علاج جرحي وسط حنت مصاغير
وربيع قلبي كل ماوحى هديره
وغنات نفسي يوم اشوف المعاشير
ترعى الحيى مابه محولن لديره
فى روضتن فيها الزبيدى مزابير
وعشبه نبت من غب سيل نديره
فيها الخزامى ونفل والنواوير
ولذعذع الغربي يفوح اتعطيره
عز الطلب لجوك ربعن مساير
لبى الطلب والضيف لاتستشيره
البن والم بدلال المعامير
وحليبهن مابيننا نستديره
ومنى ومنى ياسنافى مداوير
ناس تخط وسم من كل ديره
بدون نجد الى تحوش النوادير
اهل الفعول الماضيات اشهيره
تاريخهم عنتر وجساس وزير
شجعان جد من رجال الخطيره
ودك تنشدهم لجوك بعصير
اهل العقول الراجحات البصيره
فى مجلسن مافيه نمه وتزوير
مدهال ربعن من الخيار العشيره
هاذى هوى قلبى ولالى هوى غير
والادمى مضمون فكره يديره
وانا احمد الله راضى بالمقادير
ومؤمنن بالقدر شره وخيره
مرتاح بال ولاب راسي تفاكير
مدامبى خوفن ودينن وغيره
وحنا بهدنيا اضيوف ومساير
نمشي ولاحدن عارف وش مصيره
دنيا فنت فيها ملوك ومشاهير
مدامت الكسره وقيصر وغيره
احدن يعيش بعز واحدن بتعزير
وحدن تضرب به ادروب عسيره
وحدن يحوش ابها اذنوب ومخاسير
خسران فيها الاوله والخيره
وانا اطلب الى دبر الكون تدبير
علام مابى البينه وسريره
تكتبننا يلله حسن التدابير
وتحسن خواتمنى على افضل مسيره
وصلاه ربى عد ماغرد الطير
واعداد مالبت وفود الجزيره
على النبي الى يسوق التباشير
يوم الحشر لهل الوجيه سفيره

الموضوع الأصلي: سلام ياوجه الشعر وتباشير | | الكاتب: الشاعر ابوسعود | | المصدر: شبكة بني عبس

[عيد الداموك]

وحنا بهدنيا اضيوف ومساير
نمشي ولاحدن عارف وش مصيره
دنيا فنت فيها ملوك ومشاهير
مدامت الكسره وقيصر وغيره
وانا اطلب الى دبر الكون تدبير
علام مابى البينه وسريره
تكتبننا يلله حسن التدابير
وتحسن خواتمنى على افضل مسيره
وصلاه ربى عد ماغرد الطير
واعداد مالبت وفود الجزيره
على النبي الى يسوق التباشير
يوم الحشر لهل الوجيه سفيره

اللهم صلي وسلم على نبينا محمد وعلى آل محمد

صح لسانك وانت شاعر وافي
وننتظر جديدك وتقبل مروري

[كحيلة]

صح الله لساانك أخوي ابوسعود..قصيدة بالحييل طيبة..
لاخلا ولاعدم..

[احمد منيف]

علاج جرحي وسط حنت مصاغير وربيع قلبي كل ماوحى هديره

صح الله لسـانك اخوي قصيدة طيبه

[الشاعر ابوسعود]

رد الشاعر راشد بن محمد بن نميان المظيبري الرشيدي
على الشاعر مربح سعود العويمري الرشيدي


هلابخط مناطحين الطوابير
اللي لهم فعلا فعوله طهيره
هلا عدد ماورد ورداً على بير
هلا بنطاح الامور العسيره
مربح ليا شفته ترى عدي امير
وصدري يصير اوسع من ارض الجزيره
عدي بروس مهايفات الشناظير
واخيل من تحتي اظعون ونشيره
في راس مرقاباً تحيرت ماسير
جلست تقل محيراً لي بحيره
بحالاً تذكرني بمافات تذكير
يصفقبها موج السراب وغديره
جوي تلوث صار غيم ومعاصير
والعرف بيبانه قفلهاً خبيره
ارياح تصفقني وانا تقل ابطير
وطتني افكار الضحى مستطيره
توصيف مربح فور الدم تفوير
ذكر علي الطايله والقصيره
مربح عن الماضي عطاني تقارير
وعالج خطيرات الجروح الظريره
شاعر واعده من كبار الشواعير
وفارس ليا قاد الضعن بامر اميره
من روس قومن يقهرون الجماهير
ربعه مطوعت النفوس الشريره
من لا وعنه شلفهم جاه تدمير
كم فارسً منهم عيونه سهيره
وكم شيخ قوماً بامرهم يمشي اسير
تخضع لهم روس الشيوخ الكبيره
يوم المعوشه غصب واسلوبها امثير
من فعلهم عدوانهم مستذيره
على مهاراً تصخر الجمع تصخير
ياويل من شنوا عليهم مغيره
عدوهم عده بويل وزمهرير
واجه طعون من المشاعر مثيره
عوامره وافين من كل تقصير
عداتهم صد الجموع الغفيره
من ساس منشى عز ورد ومصادير
دار المعزه وردها مع صديره
الطيب عاده للوجيهالمسافير
عاده وسلماً للوجه السفيره
والعيب تكرم للعفون المخامير
عاده وسلماًللنفوس الحقيره
ومربح كلامه طير النوم تطيير
ضربني افجوج الديار الوعيره
ذكرني اياماً مضتلي وانا صغير
دايم بفكري دايره مستديره
مربح كلامه شفره لي تشفير
والعرف مانستغربه هو مديره
نفسه مطورها على العلم تطوير
والعرف للعارف سلاح وذخيره
جتني بيوتك مثل نقد الدنانير
متميزه مثل الاصيل الظهيره
شاعر وفسرت المعاني بتفسير
من حر مالك جبت ماتستعيره
ليا دق بك هاجوس حضرت تحضير
ماصار في بالك يتم اتحضيره
ذكرتني بالبدو يوم المظاهير
والقاع توه بادياً به بذيره
وليا طرى الماضي تجيني حواشير
ولاتلوم قلبي لو تزايد زفيره
اون وناتاً لها فعل تاثير
ونين من وقت القنص ضاع طيره
يسهر مثل مايسهرون النواطير
وعلى فراقه هل دمعه نظيره
مربح ترى الماضي تفوق وتحرير
يابو سعود يهيظني باتحريره
وشكواً مهي لله تراى مابها خير
متعقده مثل سلوك الظفيره
وشكواً مهي لله مذله وتكدير
تفسيرها عيب وحرام ومعيره
واصحاب يوسف يوم طشوه بالبير
الله حمى يوسف وهو وسط بيره
بمره طلع مابه اصابه وتكسير
سليم ماصابه صغير وكبيره
وادم خلقه الله مقاس ومعايير
من رمل كون فيه نفساً بصيره
ومريم بعيسى بشرت قبل ميصير
وطلع بقدرات العظيم القديره
وجميع ما بالكون ناس وعصافير
خلقه ومن شر الكوارث يجيره
وعلى وعدهم حذر الخلق تحذير
قد وصلنا منه الرسول ونذيره
وعن موعده مابه تقدم وتاخير
عساه يسترنا بحال ستيره
له الجميع يطيح مشاي والطير
الطير بامره نزله من مطيره
الله ماعنده واسطات ومعاذير
ميزود ماسويت حبة شعيره
يوماً يجي ويخدر العمر تخدير
ناره على الطاغين شر وصقيره
فيها غظب ربي عجايب وتفجير
ماهم حميم يفوح منها فويره
فيها الافاعي ملبداتاً مخامير
وناراً تولع من عذابه سعيره
فيها الحيايا سنونها من مسامير
من يبتليه الله تجيه بحجيره
عسى لنا عنها وقايه وتطهير
بحماك ياحامي النفوس الطهيره
برحمتك واعمالنا دوم تقصير
اعمالنا شر وعذاب وشريره
وصلاة ربي عد رش النوافير
على الرسول اعداد رش المطيره
واعداد ماربي خلقهم بتكرير
على النبي صلوا صلاةً وفيرهِ[/color]